Негізгі терминдер және ұғымдар: андрогенез әдісі, аутосома, гапло-диплоидия, гемизигота, генетикалық карта, гетерогаметалы жыныс, гиногенез әдісі, гомогаметалы жыныс, тұқым қуалаушылықтың хромосомалық теориясы.
Дәріс №8.ТҰҚЫМ ҚУАЛАУШЫЛЫҚТЫҢ МОЛЕКУЛАЛЫҚ НЕГIЗДЕРI Дәріс жоспары: 1)Нуклеин қышқылдары, химиялық құрамы, құрылысы және түзілуі. РНҚ-ның түрлері.
2)Генетикалық код, қасиеттері (триплеттілігі, синонимділігі т.с.с).
3)Белок синтезі. ДНҚ транскрипциясы (трансляция, кодон, антикодон) женінде түсініктер.
4)Ген - тұқым қуалау бірлігі,оның нәзік құрылысы,қызметі туралы заманауи көзқарастар.
5)Геннің мутация және рекомбинация бірлігі. Геннің қасиеттері(аллельділігі, дискреттілігі, тұрақтылығы
Генетикалық материалдың табиғаты
ДНҚ – генетикалық материалды тасушы зат. ДНҚ-ның тұқым қуалаушылыққа жауапты зат екені 1928 ж ағылшын дәрігері Ф. Гриффитстiң пневмококк бактерияларында ашқан трансформация құбылысында айқын болды. Пневмококк бактериялары сүтқоректiлер өкпесiнiң қабынуын (пневмонияны) қоздырып, олырдың өлiмiне себепшi болады. Сондықтан, мұндай бактериялар патогендi немесе вируленттi болып саналады, себебi олардың қабығының шырышты бөлiгi жұқтырылған жануар иммундық жүйесiнiң фагоциттерiне қарсы антизаттар (у) бөлiп шығарады. Вируленттi бактериялар қоректiк ортада тегiс шоғыр (S-штамм) түзеді.
