Мойын өрімінің бұлшықеттік тармақтары қозғалтқыш талшықтарға жатады. Ол мойынның тереңдегі бұлшықеттерін, бас ми нервінің XII жұбымен бірге тіласты сүйегінен төмен жатқан мойынның беткей бұлшықеттерін нерв - тендіреді.
Иық өрімі, plexus brachialis– 4 төменгі мойын нервтерінен және І-ші кеуденервінің үлкен бөлігінен құралады. Иық өрімі алдыңғы және ортаңғы сатылы бұлшықеттер аралығынан бұғана үсті шұңқырына шығып, бұғанаасты артериясынан жоғары және артқа қарай орналасады, кейін қолтық асты шұңқырына қарай бағытталады, үш жуан нерв будасын түзеді: латералды, медиалды және артқы. Өрімде бұғана үсті және бұғана асты бөліктері болады. Шеткі тармақтар қысқы және ұзын болып бөлінеді. Қысқа тармақтар бұғана үсті бөлігінің түрлі жернен шығып, мойын, иық белдеуі мен иық буыны бұлшық еттерін нервтендіреді, ұзын тармақтар жоғарыдағы 3 будадан пайда болады, қолды бойлай өтіп, оның бұлшық еттері мен терісін непвтендіреді.