1) Балғашықтың, malleus, домалақ басы мойын арқылы сабымен жалғасқан.
2) Төстің, incus, денесі және 2 өсіндісі болады: ұзын және қысқа.
3) Үзеңгі, stapes, пішіні жағынан атына сай келіп, төспен буындасу беті бар кішкене бастан және 2 аяқшадан тұрады.Үзеңгі сүйегінің негізі ішкі құлақтың сопақша тесігін жауып тұрады. Сүйекшелер тізбегі екі қызмет атқарады:
1) Дыбысты сүйек арқылы өткізу;
2) Дыбыс тербелістерін кіреберістің сопақша терезесіне механикалық жолмен беру. Бұл екі кішкене бұлшықеттің көмегімен іске асады : 1) дабыл жарғағын керетін бұлшықет, оның сіңірі мойын қасындағы балғашық сабына бекиді, ол балғашық сабын тартып, дабыл жарғағын кереді, сонда бүкіл сүйекшелер жүйесі ішке ығысып, үзеңгі кіреберіс терезесіне батады. 2) үзеңгі бұлшықеті үзеңгінің артқы аяқшасына бекиді. Қызметі жағынан бұл бұлшықет алдыңғы бұлшықетке антагонист, ол сүйекшелерді кіреберіс терезесінен кері қарай жылжытады. Бұл бұлшықеттердің қызметі әр түрлі: 1) дабыл жарғағы мен дыбыс сүйекшелері тізбегінің қалыпты тонусын сақтау.
2) ішкі құлақты шамадан тыс тітіркенуден қорғау.
3) дыбыс өткізгіш аппаратты түрлі толқындағы дыбыстарға бейімдеу.
Ортаңғы құлақтың негізгі жұмысы – дабыл жарғағынан кіреберістің сопақша терезесіне дыбыс өткізу.
Достарыңызбен бөлісу: |
