Тыныс алу, тотықтыру және қалпына келтіру фермент- тері. Көптеген өсімдік ауруларына тән қасиет - бастапқы кезде тыныс алуға қажет ауа алмасуының екпіндігі артады. Бірақ бұл үрдіс ұдайы байқалмайды, біртіндеп екпінділігі төмендейді. Оның екі түрлі себеп-салдары болуы мүмкін. Біріншіден, ауруға шалдық- қан мүшенің немесе ұлпаның апат болуы немесе патогенді ағза ие- өсімдіктің қарсылығын жеңіп, тотығу үрдісі бастапқы қалыпқа келеді. Өсімдік ұлпасына ауру қоздырғышының бөліп шығаратын гидролиз және карбогидраз ферменттері көмірсудың сапалық құрамының өзгеруіне әкеп соғады. Тыныс алу екпінділігі паразитті ағзаларға төзімді сорттарда жоғары болады. Бұл газ алмастыру және тотықтыру ферменттері белсенділігінің өзгеруіне байланысты. Соңғысын өсімдіктің сау ұлпасына токсин ендіру арқылы да арттыруға болады. Көпшілік жағдайда патогенді ағзалардың әсері- нен пероксидаза ферментінің белсенділігі артады. Ауруға шал- дыққан ұлпаларда полифенолоксидаза ферментінің белсенділігін көрсететін тотыққан және илеуіш заттардың мөлшері артады.
