Қалпына келмейтін ресурстарға жататындар

• 
  планетаның қойнауындағы пайдалы қазбалар – металл (қара, түсті, асыл және сирек кездесетін, радиоактивті металдар);
  
• 
  рудалары, бейметалды қосылыстар (өнеркәсіптің металлургиялық, химиялық және басқа салаларына арналған шикізаттар);
  
• 
  жер асты сулары;
  
• 
  құрылыс материалдары (мрамор, құм, гранит және т.б.);
  
• 
  энергия сақтағыш көздері (мұнай, газ, көмір, жаңғыш сланец, жертезек).
  

Қалпына келмейтін табиғи ресурстар, соның ішінде жойылатын – олар қолдану нәтижесінде жойылады, мысалы, газ, көмір, мұнай, жертезек және таралатын – қолдану нәтижесінде жойылмай бір түрден екінші түрге айналатын ресурстар, мысалы, темір және басқа да элементтердің қосылыстары.

Өнеркәсіптік ресурстар кәсіпорындар пайдаланатын табиғи шикізаттың барлық түрлерін қамтиды. Олар өндірістің алуан түрлілігіне байланысты алдымен энергетикалық және энергетикалық емес ресурстар бөлінеді.

Қазақстан минералды отынның, оның ішінде көмір, табиғи газ, мұнай, уран өндірушілердің ішінде ірі өндірушілердің бірі болып табылады. Атақты ғалым-экономистердің есептеулері бойынша Қазақстан республикасы дүние жүзінде:

• 
  вольфрамның қорынан 1-ші;
  
• 
  хромит пен уран рудалары және фосфориттен 2-ші;
  
• 
  марганец рудасынан - 3-ші;
  
• 
  қорғасын мен молибденнен - 4-ші;
  
• 
  темір рудасынан - 8-ші орында.