В12 дәрумені (цианкобаламин, антианемиялық дәрумен). 1926 жылға дейін қатерлі қан азаю ауруын емдей алмайтын. 1948 жылы В12 дәрумені кристалл түрінде бөліп алынып ол қатерлі анемия ауруына ем екені белгілі болды.
Табиғатта таралуы. Азық-түлік құрамында кобальт болса, В12 дәруменін асқазан-ішек жолында микроорганизмдер синтездейді. Кобальт әсіресе жануар тектес өнімдерде – бауырда, бүйректе, жүректе, мида, сиыр етінде, жұмыртқаның сары уызында, сүтте көп болады. Өсімдіктерде іс жүзінде синтезделмейді. Ересек адамға тәулігіне 2-3 мкг, ал балаларға қажет мөлшері – 0,5-2,0мкг.
