Дидактикалық ойындар қоржыны – бұл мемлекеттік тілді меңгеруге деген танымдық қызығушылығын арттыруға қажетті құрал. «Ойын ойнап ән салмай, Өсер бала бола ма?»
Мақсаты: Дидактикалық ойындар арқылы пәнге қызықтыру,
логикалық ойлау қабілеттерін дамыту, таным әрекетін қалыптастыру, тиянақтау, пысықтау, тіл үйренуге деген қызығушылығын ояту, белсенділігін арттыру,сөздерді орынды қолдану дағдыларын жетілдіре отырып алған білімді тексеру сөйлеу мәдениетіне тәрбиелеу.
Міндеттері: Ойын барысында қойылған сұрақтарға саналы түрде және дұрыс жауап беруге үйрету. Ұсынылған ойын тапсырмаларды дұрыс орындау; не істегені туралы айтып беруге үйрету. Диалог түрінде сөйлесу дағдыларын дамыту. Ойын арқылы логикалық ойлау қабілеттерін жетілдіру. Балалардың қазақ тілі туралы танымдық қызығушылықтарын арттыру. Мұғалім нұсқауларын түсініп орындауға жаттықтыру. Сөз тіркестерін,сөзжұмбақ, сөздік ойындарын түсініп жауап бере білуге дағдыландыру Қазақ тілінде бір-бірімен қарым-қатынас жасай білуге тәрбиелеу.
Дыбыстарды айтудың артикуляциялық аппаратын әзірлеу. Балаларды анық, асықпай барынша қатты айтуға үйрету, сөздің қарқыны мен ырғағын бақылау;
Сөздің дыбысталу жағын жүйелі түрде дамыту, есту тілдік демалыс, айтылым аппараттары;
