Диханбаева ф. Т., Джетписбаева б. Ш., Матибаева а. И
жүктеу/скачать 1,2 Mb. Pdf көрінісі
|
|
1.3.2. Технологиялық процесс тұрақтылығы мен дәлдігін статистикалық талдау Өнім сапасын статистикалық әдістермен басқару толық бақылауға қарағанда артықшылығы технологиялық процестен ауытқуын өнім партиясын дайын болғанда емес, өндіру барысында айқындау мүмкіндігі болып табылады. Өнім сапасын басқарудың статистикалық әдістерін қолдану саласы төмендегі суретте келтірілген: Сурет 6. Өнім сапасын басқарудың статистикалық әдістері Өнім сапасын басқарудың статистикалық әдістері Технологиялық процесс технологиялық тұрақтылығы мен дәлдігін статистикалық процесті дәлдігін статистикалық талдау Технологиялық процесті статистикалық реттеу өнім сапасын қабылдау кезінде статистикалық бақылау өнім сапасын бағалаудың статистикалық әдісі Технологиялық процес тұрақтылығы мен дәлдігін статистикалық талдау – статистикалық әдістермен технологиялық процесс дәлдігі мен тұрақтылығы көрсеткіштері мәндерін орнату және оның уақыт бойынша жүру заңдылықтарын анықтау. Технологиялық процесті статистикалық реттеу – бақыланатын параметрлерді таңдап бақылау нәтижелері бойынша технологиялық процесс параметрі мәндерін түзету. Өнім сапасын қабылдау кезінде статистикалық бақылау - өнім сапасының орнатылған талаптарға сәйкестігін тексеру үшін математикалық статистика әдістерін қолдануға негізделген бақылау. Өнім сапасын бағалаудың статистикалық әдісі - өнім сапа көрсеткіштері мәндері математикалық статистика ережелерін қолдану арқылы анықталатын әдіс. Өнім спасын бағалау мен талдаудың статистикалық әдістері, технологиялық процестерді статистикалық реттеу және өнім сапасын қабылдау кезіндегі бақылаудың статистикалық әдічтері өнім сапасын басқарудың құрамдас бөліктері болып табылады. Технологиялық процессті статистикалық реттеудің мақсаты аз көлемді таңдауды периодты бақылау нәтижесі негізінде «процесс дұрыс» немесе «процесс бұзылған» деген шешімге келу болып табылады. 23 Технологиялық процесстің бұзылуын айқындау сандық немесе альтернативтік белгі бойынша жүзеге асатын, аз көлемді таңдауды, периодты бақылау нәтижелеріне негізделген. Сандық белгісі бойынша бақылау, таңдаудағы өнім бірлігінде бақыланатын параметрдің нақты мәнін қажетті дәлдікпен анықтаудан тұрады. Бақыланатын параметрдің нақты мәндері статистикалық сипаттамаларды ары қарай есептеп, оның негізінде технологиялық процесс күйі туралы шешім қабылдау үшін қажет. Бұндай сипаттамалар медиана, таңдау ортасы, квадраттық ауытқу және ауытқу болып табылады. Альтернативті белгі бойынша бақылау өнім бірлігінің немесе бақыланатын параметрдің орнатылған талаптарға сәйкестігін анықтаудан тұрады. Бұнда әрбір сәйкессіздік ақау, ал бір ақауы бар өнім ақаулы деп саналады. Альтернативті белгі бойынша бақылауда бақыланатын параметрдің нақты мәнін білу қажет немесе, оның орнатылған талаптарға сәйкестігі немесе сәйкессіздігін орнату жеткілікті. Технологиялық процесс күйі туралы шешім таңдауда айқындалған ақаулар санына немесе ақаулы өнім бірлігіне байланысты қабылданады. Сандық белгі бойынша бақылаудың артықшылығы ақпартарттылығы жоғары, сондықтан аз таңдау көлемін қажет етеді. Бірақ бұндай бақылау қымбат, себебі ол үшін бақыланатын парметрдің нақты мәнін анықтауға мүмкіндік беретін техникалық бақылау құралдары қажет. Сонымен қатар сандық белгі бойынша бақылау кезінде статистикалық реттеу үшін статистикалық сипаттамаларды анықтаумен байланысты есептеулер қажет. Бақылау сұрақтары: 1. Өнім сапасын басқарудың статистикалық әдістерін атаңыз? 2 . Өнім сапасын басқарудың құрамдас бөліктерін атаңыз 3. Технологиялық процес тұрақтылығы мен дәлдігін статистикалық талдаудың мәні? 4. Өнім сапасын бағалаудың статистикалық әдісіне анықтама беріңіз? 5. Технологиялық процесті статистикалық реттеу деген не? жүктеу/скачать 1,2 Mb. Достарыңызбен бөлісу:
|