Сурет 2.2.1 Қасқыр – Волк - (лат. Canis lupus)
Қаншығының буаздық кезеңі 62-66 күн, жазғытұрым 5-8, қондылары 13 күшік табады. Күшіктері көзін 12-13 күннен кейін ашады. Қазақстанның солтүстігінде қасқырлар (реңі бозғылт, жүні ұзын, салмағы 80 кг-ға дейін), ал оңтүстігі мен батысында кішірек, салмағы 30-50 кг реңі сарғыш сұр, жүні тақыр келеді. Мал шаруашылығы аудандарында қасқыр көп зиянын тигізеді.
Қарсақ – Карсак -(лат. 'Vulpes corsac') – ит тұқымдастары, түлкі туысына жататын жыртқыш аң. (Сурет 2.2.2)
Қысқы жүні қалың, жұмсақ әрі жібектей болып келеді. Жазғы жүні қысқа, ірі және түбітсіз келеді. Қарсақтың түлкіден айырмашылығы: құлағы ақ, үлкен тұмсығы сүйір болады. Қарсақ жылына екі рет түлейді (көктемде және күзде). Тереңдігі 1 – 2 м, ұзындығы 4 – 6 м ін қазып алып, сонда тіршілік етеді. Кейде түлкі, борсық және суырлардың ескі індерін де пайдаланады. Қарсақ қорек іздеуге таңертеңгі және кешкі мезгілде шығады. Негізгі қорегі – тышқан, тоқалтіс, құмтышқан, саршұнақ, суыр, қоян, т.б. Сондай-ақ, қарсақтар тасбақаны, құсты, жыланды, кесірткені де жейді. Қарсақ жыныстық жағынан 9 – 10 айда жетіледі. Жылына 1 рет күшіктейді. 2-ден 16-ға дейін, негізінде 3-6 күшік табады52 күннен кейін 2 – 16, көбіне 3 – 6 күшік туады.
Достарыңызбен бөлісу: |
