Ж.Әбдіраш «Дала, сенің ұлыңмын» поэмасы бойынша орындалатын ауызша тапсырмалар: Пікірлесусұрақтары: 1.Поэма атауы қандай идеядан туындаған?Оның атауын басқаша қалай өзгертер едің? 2.Ақын елдің әр кезеңдегі тарихын қалай баяндаған? 3.Жерімізді «Ұлы дала» мен «Көк аспан» деп атауға келісесің бе?. 4.Поэмадағы дала ненің символы?
Жазбаша тапсырмалар:
Поэмадан қандай келелі мәселелерді байқадым?
Оны қай үзінділермен дәлелдей аламын?
2.Отан,туған жер туралы мақал мәтелдерді жазып,поэмадан 5 мысал келтіру арқылы олардың мағынасын ашу.
Топтық тапсырмалар: «Ойлан, бірік, бөліс» әдісімен жұмыс жасаңдар!
Ойлан. Поэмадан түйген ойларыңды жазыңдар. Бірік.Өз идеяларыңды біріктіріңдер. Бөліс.Сыныппен бөлісіңдер. 2 топқа бөлініп, поэмадағы заман және қазіргі заман көрінісін салыстырыңдар.
Поэманың идеясы мен көркемдегіш құралдардың байланысын талдаңдар.
Ж.Әбдіраш «Дала, сенің ұлыңмын» поэмасы бойынша орындалатын үй тапсырмалары: 1. Қазақстан – http://kaztrk.kz арнасынан ақынды еске алу кешін қара.
2. Поэманы көркемдік-эстетикалық құндылық тұрғысынан талдап, әдеби эссе жаз.
3. Поэманы идеялық жағынан мазмұндас А.Тарковскийдің «Белый день» өлеңімен салыстыра отырып, екі шығармадағы кеңістік пен уақыт шегіндегі образдардың мән-мағынасы туралы әдеби сын жаз.
4. CD-дегі №1 қосымшаны үлгі ретінде пайдаланып, презентация жаса.
5. Поэмада көтерілген мәселені суретпен байланыстырып, әңгіме жаз.
6. Компьютерде векторлық графиканы қолданып, «Дала» ұғымын өз түсінігіңмен сал.
Эксперименттік тапсырма: СD дискінің № 4 қосымшасында берілген Н.Ә.Назарбаевтың «Ұлы даланың жеті қыры» мақаласын топтасып оқып, зерттеу жүргізіңдер. «3–1–2» әдісі бойынша жұмыс жасау арқылы тақырыпппен байланыстыра отырып, кестені толтырыңдар. «Креативті ойлау» әдісімен өлеңдегі дала идеясын дамытып, «Ұлы даланың жеті қыры» мақаласымен байланыстыра отырып, қара сөзбен толықтырып жаз.
