Диссертация Ғылыми жетекші Мадалиева Забира Бекешовна, психология ғылымдарының докторы
жүктеу/скачать 0,94 Mb.
|
- Бұл бет үшін навигация:
- Зерттеу нысаны
- Зерттеудің болжамы
| Зерттеу мақсаты: университеттік білім беру жүйесінде болашақ педагог- психологтардың диагностикалық құзыреттіліктерін қалыптастыру үдерісін теориялық негіздеу және әдістемелік қамтамасыз ету.
Зерттеу нысаны: болашақ педагог-психологтарды кәсіби даярлау үдерісі. Зерттеу пәні: болашақ педагог-психологтарды даярлауда диагностикалық құзыреттіліктерін қалыптастыруды ұйымдастыру. Зерттеудің болжамы: егер болашақ педагог-психологтардың диагностикалық құзыреттіліктерін қалыптастырудың құрылымдық-мазмұндық үлгісі жасалып, университеттің білім беру үдерісіне ендірілсе, онда қажетті құзыреттілікті мақсатты түрде қалыптастыру қамтамасыз етіледі, өйткені дидактикалық үдеріс теориялық ұстанымдар мен тәсілдердің интегративтік негізіне, сондай-ақ білім беру ортасының әлеуетін тиімді пайдалануға негізделеді. Мәселеге, мақсатқа, нысан мен пәнге сәйкес, мынадай зерттеу міндеттері белгіленді: Кәсіби даярлау үдерісінде болашақ педагог-психологтардың диагностикалық құзыреттіліктерін қалыптастырудың теориялық негіздерін құрайтын ғылыми еңбектер мен тұжырымдамаларға талдау жасау. Университеттік білім беру жүйесінде болашақ педагог-психологтың диагностикалық құзыреттілігін қалыптастырудың әдіснамалық тұғырларын негіздеу. «Болашақ педагог-психологтың диагностикалық құзыреттілігі» ұғымының мәнін нақтылау, мазмұнын, құрылымын сипаттау. ЖОО үрдісінде болашақ педагог-психологты даярлауда диагностикалық құзыреттілігін қалыптастырудың моделін әзірлеу. Университеттік білім беру жүйесінде болашақ педагог-психологтардың диагностикалық құзыреттіліктерін қалыптастырудың әдістемесін жасап, тиімділігін тәжірибелік-эксперименттік жолмен тексеру. Эксперимент қорытындылары бойынша оқу құралы, әдістемелік кешен, диагностикалық дәптер даярлап баспадан шығару. жүктеу/скачать 0,94 Mb. Достарыңызбен бөлісу:
|