3.1.2.4. 6; 7; 8; 9 сандарына көбейту мен бөлу кестесін құру, білу және қолдану.
3.5.1.2. Есептерді шығаруда «бір заттың массасы», «саны», «жалпы масса»; «бір затқа жіберілген шығын», «заттардың саны», «жалпы шығын» шамаларының өзара тәуелділігін пайдалану.
3.2.1.7. Формулаларды шамалардың арасындағы өзара қатынасты орнатушы теңдік ретінде түсіну.
Сабақтың мақсаттары
Барлық оқушылар:
7 санына көбейту мен бөлу кестесін құру, білу және қолдану.
Бірқатар оқушылар:
есептерді шығаруда шамалардың арасындағы тәуелділікті пайдалану.
Кейбір оқушылар:
Шамалардың арасындағы тәуелділікті кескіндейтін әріптік өрнектерді өз бетінше жазу.
Тілдік мақсаттар
Дағдыларын дамыту: шамалардың өзара тәуелділігін түсіндіре алады.
Пәндік лексика және терминология: көбейту мен бөлу кестесі, есептерді шығаруда «бір заттың массасы», «саны», «жалпы масса»; «бір затқа жіберілген шығын», «заттардың саны», «жалпы шығын» шамаларының арасындағы тәуелділік
Сабақта диалог/жазу үшін пайдаланылатын тіл Талқылау:
Бір заттың бағасын қалай білеміз?
Сатып алынған заттардың құны мен санын біле отырып, нені білуге болады?
Бірдей заттардың жалпы массасын анықтау үшін нені білу қажет?
Заттардың саны мен жалпы массасын біле отырып, бір заттың массасын қалай анықтаймыз?
Жазылым:
Сандық және әріптік өрнектерді, формулаларды жазу.
Ынталандыру. Отырайық орнымызға бәріміз,
Құпияның қызығына қаныңыз!
Санаймыз, жазамыз, оқимыз,
Шығарып есепті, көңілге тоқимыз!
Бүгін де күндегі тәрізді
Сәттілік болатын күн ізгі!
Жаңаша материал үйреніп,
Дағдымыз болады тым берік.
Шын мықты мынаған сенеді:
«Бәрі де қолымнан келеді!»
4-6
Өзектендіру. «Кестені білемін» ойыны ойнатылады. Балалар 2 командаға бөлінеді. Әрбір командадан 9 адамнан шығып, арақашықтықта орналасқан қатарлас екі сапқа тұрады. Әрбір сапта оқушылар ретімен санап, кеуделеріне қағазға жазылған тиісті нөмірді қадап алады. Мұғалім көбейту кестесінен келтірілген қандай да бір санды айтады, мысалы 48 саны. 48 саны – 6 саны мен 8 санының көбейтіндісі, сондықтан әрбір саптан осы нөмірі бар балалар жүгіріп шығуға тиіс.
