3-4 дәріс. Фольклордың даму тарихы.
Ежелгі замандағы рухани мәдениет (рулық қауым кезеңі)
Фольклордың алғашқы қауымда туып, қалыптасуы, оған негіз болған әлеуметтік, қоғамдық, мәдени, т.б. жағдайлар. Адамзаттың даму тарихы рулық қауымдастықтан басталады.
Рулық қауым, оның тіршілік үшін маңызы, мәні, мағынасы. Тұңғыш жер бетінде пайда болған рулық қауымның түрі – матриархат. Аналық рудың сипаты, ол кездегі негізгі шаруашылық терімшілік. Рухани өмір – рудың әдет-ғұрпы, аналық билік пен дәстүрдің орнығуы.
Аңшылықтың күшеюіне байланысты еркектердің билік алуы, патриархаттың жеңуі. Бақташылық пен аңшылық, егіншілік кәсіптердің бірте-бірте етек алуы. Патриархаттық ру тұсындағы қоғамдық қатынастар.
Өмір тәжірибесі арқылы қалыптасқан алғашқы қарапайым білім мен өнер салалары. Халық астрономиясы мен календарының негіздері.
Ежелгі өнер ескерткіштері, олардың тұрмыстық және сакралдық мағынасы. Тасқа салынған суреттер, олардың семантикасы, аңдар мен адамдардың сипаты. Әйел адамдар бейнеленген тас мүсіндер, олардың мәні. Сәулет өнерінің алғашқы үлгілері, олардың ырымдық және эстетикалық белгілері.
Достарыңызбен бөлісу: |
