(Исковые заявления)
Талап-арыз сотқа жазбаша түрде беріледі.
Арызда:
арыз беріліп отырған соттың атауы;
талапкердің аты-жөні, оның тұратын жері немесе егер талапкер заңды тұлға болса, оның мекен-жайы, сондай-ақ арызды өкілі берсе, онда өкілдің аты-жөні мен мекен-жайы;
жауапкердің аты-жөні, мекен-жайы немесе егер жауапкер заңды тұлға болып табылса, оның орналасқан жері;
талапкер өз талаптарын негіздейтін жағдайлар және талапкер жазған жағдайларды растайтын дәлелдер;
талапкердің талап-арызы;
талап-арыз бағалауға жататын болса, оның бағасы;
арызға қоса берілген құжаттардың тізбесі болады.
Арызға талапкер немесе оның өкілі қол қояды. Өкіл берген талап-арызға өкілдің
өкілеттілігін растайтын сенімхат қоса беріледі.
Талап-арыз жауапкерлердің саны бойынша көшірмелерімен сотқа ұсынылады. Істің күрделілігіне және сипатына байланысты судья талапкерден арызға қоса берілген құжаттардың көшірмелерін талап етуі мүмкін.
Азаматтық-құқықтық сипаттағы шарттарды орындамауға байланысты заңды тұлғаның талап-арызы шағымға жауап алғаннан кейін сотқа беріледі.
Достарыңызбен бөлісу: |
