2. Магистратураға түсуші тұлғалардың даярлық деңгейлеріне қойылатын талаптар «6М012300 – Әлеуметтік педагогика және өзін-өзі тану» мамандығы бойынша магистартуға түсу ғылыми-педагогикалық бағыт бойынша жүзеге асырылады.
Конкурстық іріктеу ережесі әл-Фараби атындағы ҚазҰУ магистартураға қабылдау жөнінідегі типтік ереже мен «6М012300 – Әлеуметтік педагогика және өзін-өзі тану» мамандығы бойынша білім берудің мемлекеттік стандарты негізінде анықталады. Бағдарлама типтік оқу бағдарламалары және МЖМББС негізінде құрастырылған.
«Әлеуметтік педагогика және өзін-өзі тану» мамандығына тапсыратын бакалавр өзінің кәсіби бағытталуы бойынша: ҚР «Білім туралы», білім беру аймағындағы нормативтік құжаттарды; ҚР-ң әлеуметтік саясатының негіздерін білуі тиіс. Үздіксіз білім беру жүйесінде балалардың, жастар мен жеткіншектердің тұлғалық дамуы мен толыққанды әлеуметтенуін қамтамасыз етуді; түзетушілік-тәрбиелік үдерісті жобалауды, педагогикалық іс-әрекет нәтижелерін жоспарлауды, ұйымдастыруды, диагностикалау мен болжауды; денсаулықты дамыту жағдайын ескере отырып, әрбір индивидтің бейімділігін, қабілеттілігін, дарынын айқындау мен дамытуды; авторлық педагогикалық және түзетушілік технологияларын жасау және ендіру негізінде балаларды, жастар мен жеткіншектерді тәрбиелеу мен әлеуметтендіру үрдістерін түзетуді меңгеруі тиіс.
3. Білім беру бағдарламасының пререквизиттері - Педагогика;
- Әлеуметтік педагогика;
- Этнопедагогика.
4. Емтихан тақырыптарының тізімі
«Педагогика» пәні 1. Педагогиканың адам туралы ғылымдар жүйесіндегі орны. Педагогика – тәрбие жөніндегі ғылым. Педагогиканың пайда болуы мен дамуы. Педагогика нысаны, пәні және қызметтері. Педагогикалық ғылымдар жүйесі. Педагогика және басқа ғылымдар жүйесі.
2. Педагогика әдіснамасы мен әдістері. Педагогиканың әдіснамалық негіздері жайлы түсінік. Ғылыми-педагогикалық зерттеу әдістері мен философиялық негіздемесі. Педагогикалық зерттеулерінің әдіснамалық ұстанымдары және оларды ұйымдастыру. Жеке тұлғаның дамуы, тәрбиесі мен қалыптасуы.
