| 41.Сальмонеллез ауруының емі, алдын алу шаралары. Сальмонеллез, немесе қылау, (Salmonellosis, паратиф) – жіті өткенде қызбамен және іш өтумен, ал созылмалы өткенде өкпенің қабынуымен ерекшеленетін төл ауруы.
Қылаумен ауырған төлді тез бөліп алып, оқшаулайды да, күтімін жақсартып, диеталық азықтар береді. Ішкі ағзаларда терең өзгерістер болмай тұрып, неғұрлым ерте емдесе, соғұрлым ем нәтижелі болады.
Этиотропты дәрмектерден сальмонеллезге қарсы антитоксиндік қан сарысуын, бактериофаг (гертнерфаг), антибиотиктер (синтомицин, левомицетин, канамицин, тетрациклиндер), сульфаниламидтер (норсульфазол, дисульфан, этазол, сульфидин, сульфадимизин), нитрофурандар (фуразолидон, фурацилин, фуразолин) беріледі. Гипериммунді қан сарысуын пайдаланғанда антибактериялық дәрілерді қоса пайдаланған жөн. Өкпеде қабыну процесі болғаңда бұлшық етке пенициллин немесе стрептомицин жіберу қажет. Барлық жағдайда да ауырған малға микроэлементтер, аминқышкылдары, витаминдер, ферменттер жақсы көмектеседі. Новокаин ерітіндісімен ішкі ағзаларға блокада жасау, әртүрлі тұзды ерітінділерді іш пердесінің ішіне енгізу ауырған малдың күйін жақсартады. Бұл орайда кейбір бактериялық препараттарды: ацидофилин, АСӨ, АСӨД пайдалану тиімді.
Достарыңызбен бөлісу: |
