Мақсаты: Әдебиетті оқытудың әдістері мен әдістерді негіздейтін принциптер жөнінде түсіндіру.
Тексеру сұрақтары: 1. Оқытудың репродуктивті әдісі мен конструктивті әдісінің айырмасын айтыңыз.
2. Оқытудың интербелсенді әдістерін атаңыз.
Глоссарий: Аллитерация – бірыңғай дауыссыз дыбыстарды қайталау
Ассонанс – бірыңғай дауысты дыбыстарды қайталау
Эпитет – заттың, құбылыстың айрықша сипатын, сапасын анықтайтын суретті сөз.
Теңеу – суреткер заттың, құбылыстың ерекше белгірлерін көрсетпей-ақ, оны басқа затпен, құбылыспен салыстыра суреттейді.
Троп – сөздерді тура мағынасында емес, бұрма мағынасында қолдану, шындықты бейнелеп, кейде тіпті перделеп таныту, ойды өзгертіп, кейде тіпті өңін айналыдырып айту.
Метафора – сөз мәнін өңдендіре өзгертіп айту, суреттеліп отырған затты немесе құбылысты айқындай түсу үшін, ажарландыра түсу үшін оларды өздеріне ұқсас өзге затқа не құбылысқа балау; сөйтіп суреттеліп отырған заттың не құбылыстың мағынасын үстеу, мазмұнын тереңдетіп, әсерін күшейту.
Фигура (айшықтау) – сөз тіркестерін дағдылы синтаксистік қалыптан гөрі өзгешелеу ораммен, айрықша айшықпен құру.
Өлең құрылысы - өлең сөзде қолданылатын өлшем-өрнектердің жасалу жүйесі, оның ырғағына, дыбыс үндестігіне тән ерекшеліктерді белгілейтін негізгі шарттар мен заңдылықтар.
Өлең өлшемі – өлең, жырларда біркелкі ырғақ сақтау үшін қолданылатын өрнек.
Ұйқас - өлең тармақтарындағы сөз аяқтарының үндестігі, өзара ұйқас, дыбыстас естілуі.
Стиль – жазушының өмір шындығын танып-білу, сезіну қабілетін, бейнелеу шеберлігін, өзіндік суреткерлік тұлға-бітімін танытатын даралық өзгешелігі, жазу мәнері, қолтаңбасы.
Тапсырмалар, ситуациялар: «Керқұла атты Кендебай» ертегісі. Кендебай – елінің тұрмысын жақсартқан ұл. әдеби шығарманың жанрына қарай фабуласы мен сюжеттік дамуын сипаттау(5.Т/Ж1.)
Интерактивті әдіс: броундық қозғалыс
