КІРІКТІРІЛГЕН КУРС - бір оқу пәнінің аралық тақырыптық блоктарының негізгі мазмұнын немесе бір білім беру саласының түрлі пәндерінің өзара сәйкес келетін тақырыптық блоктарының мазмұнын өзіне біріктіретін пәндік курс.
ҚҰЗЫРЕТ
ҚҰЗЫРЕТ - қойылған мақсаттарға жету үшін ішкі және сыртқы ресурстарды тиімді іске асыруға дайындық; жеке және қоғамдық қажеттіліктерді қанағаттандыру мақсатында табысты іс-әрекетке дайындық, білім беру жүйесіне әлеуметтік тапсырысты құрайды
ҚҰЗЫРЕТТІЛІК
ҚҰЗЫРЕТТІЛІК - оқушылардың іс-әрекеттің әмбебап тәсілдерін меңгеруінен көрінетін білім нәтижесі
МЕМЛЕКЕТТІК БІЛІМ БЕРУ СТАНДАРТЫ - білім беру саласындағы бірыңғай мемлекеттік саясатты жүргізуге септігін тигізетін, мақсаттар мен міндеттердің жиынтығын, базалық білім мазмұнын, оқушылар мен тәрбиеленушілердің оқу жүктемесінің ең жоғарғы көлемін, оқыту процесін ұйымдастырудың және білім беру салалары мен жекелеген оқу пәндері бойынша білім сапасын бағалаудың негізгі қағидаттарын, білім, білік, дағдылар мен қалыптасқан негізгі құзыреттіліктер түрінде күтілетін білім нәтижелерін, білім сапасын мемлекеттік бақылау ережелері мен рәсімдерін анықтайтын нормативтік құжат.
