ІІ.2. Қалыптастыру эксперименті
Жас ұрпақтың дарыны мен таланттын ашу, танымдық қызығушылығын арттыру, олардың өзіне деген сенімін қалыптастыру, бір сөзбен айтқанда өз жолын - өзі таңдауына түрткі болу - ұстаздар қауымының бүгінгі таңдағы абыройлы борышы.
Ұстаздар қауымының ішінде де сол ұлы істерге бастау беретін, көзін ашатын бастауыш сынып мұғалімдерінің мойынындағы жүк жеңіл жүк емес. Мектеп ережесін мойындатып стандартқа сай білім беріп, танымдық қызығушылықтарын арттырып, шығармашылық қабілеттерін жетілдіру жолында аянбай еңбек етуде. Зерттеу тақырып бойынша тәжірибе жинақтау барысында ашық сабақтар өткіздім. Онда, біріншіден, әдебиеттік оқу, математика пәнінен білім беруде оқушылардың танымдық қызығушылығын арттыру жолдарын қарастырдым.
Оқу мотивтерінің ішінде көпшілікке танымал түрі – қызығушылықтың өзі де тек оқыту әдісінің бір элементі ретінде аталады. Қызығушылықты қалыптастырудың факторлары сараланбайды. Көп жағдайда жекеленген тілдік фактілерге қызықтыру, пәннен берілетін білімді жеңіл түсіндіруде оқушы зейінін аудару үшін дидактикалық ойындарды ұйымдастыру арқылы қызығу тудыру секілді мәселелерді мұғалімдердің іс – тәжірибесімен танысу үстінде көп ұштасады.
Біз 2 сыныпта оқушылардың танымдық қызығушылығын арттыру мақсатында «Әдебиеттік оқу» пәні бойынша «Сын тұрғысынан ойлау» технологиясына байланысты сабақ жүргіздім.
Достарыңызбен бөлісу: |
