| Мұрынмаңы қойнаулары (sinus paranasales) негізінен жалпақ
бассүйектердің ішкі жəне сыртқы сүйек тақташалары аралығында орналасып,
мұрын қуысымен тесіктер арқылы қатысады. Қойнаулар ішкі жағынан
кілегейлі қабықтармен астарланған. Бұларға жоғары жаққойнауы (sinus
maxillaris), маңдай қойнауы (sinus frontalis), сынаша қойнауы (sinus
sphenoidalis),
таңдай қойнауы (sinus palatinus) жатады. Аталған
қойнаулардың даму деңгейі көп жағдайда азу тістердің көлеміне, мандай
сүйектің мүйіз өсінділерінің жетілуіне тікелей байланысты. Аталған
қойнаулар сиыр мен ұсақ малдарда өте жақсы, жылқы мен шошқада
біршама тəуір, ал итте нашар жетілген.
152 - сурет. Мұрын ұшы A — ит, Б — шошқа, В — сиыр, Г — қой, Д — жылқы
1 — вентральды бүйір мұрын кднаты, 2 — медиальды жоғаргы мұрын қанаты, 3 —
мұрын тесігі, 4 — қаңсар, 5 — қанатарапық сай, 6 — мүрын-ерін қаңсары, 7 — жалған
мұрын тесігі, 8 — мұрын қалташасының орны, 9 — көзжасы-мұрын өзегінің тесігі
Достарыңызбен бөлісу: | 
