ӘДЕБИЕТ ШЕЖІРЕСІ, әдебиеттанудың бір саласы, деректанудың құрамдас бөлігі. Әдеби
өмірдегі үлкенді-кішілі оқиғаларды нақты деректермен көрсетіп отыратын Ә. ш. барлық
халықтардың әдебиетінде бар. Ә. ш. 2 үлкен салаға жіктеледі. а) әдеби өмір шежіресі; ә) жеке
ақын. жазушылардың өмірі мен шығармашылығына арналған шежіре. Қазақ әдебиеттану
ғылымында әдеби өмір шежіресін жасау 20 ғ-дың 60-жылдарынан басталады, (Вопросы
казахской литературы,т.2. А.-А., 1960). Қазақстандағы әдеби өмірі шежіресі қазақ әдебиетінің
тарихына арналған ғыл. кітаптарға өз алдына жеке тарау ретінде енді (Очерк истории казахской
советской литературы, М., 1960, стр. 601 -659; Қазақ әдебиетінің тарихы, 3 т. 1-кіт. А., 1967;
Қазақ әдебиетінің тарихы, 3 т. 2-кіт. А„ 1967; История казахской литературы, т. 3. А.-А., 1971; 40 -
50 және 60-жылдардағы қазақ әдебиеті, А.. 1998. 330 - 39-8 б.). Қазақстандағы әдеби өмір
шежіресі "Қазақстан Жазушылар одағына 60 жыл" деген атпен жеке кітап болып басылып шықты
(1964). М.Әуезовтің туған күнінен бастап қайтыс болғанға дейінгі аралықгағы (1897- 1961) кезеңге
байланысты әдебиет шежіресі өз алдына жеке кітап болып басылды (1997).
