Ветеринария факультеті
Лимфа түйіндердің топграфиясы
жүктеу/скачать 254,94 Kb.
|
- Бұл бет үшін навигация:
- Ірі қараның лимфа түйіндері. Бастың ЛТ.Шықшыт лимфа түйіні
- Алқым лимфа түйіні
- Жұтқыншақтан кейінгі ортаңғы лимфа түйіні
| Лимфа түйіндердің топграфиясы.Малдың қандай түрі болсын лимфа түйіндерінің орналасатын жерлері бір-бірімен ұқсас. Малдың түріне қарай түйреуіштің басындай мөлшерден, ұзындығы 10-30 см жетеді және онан да артады.
Ірі қара мал мен қойдың лимфа түйіндерінің орналасуы бірдей. Олар бұршақ тәріздес, сопақша немесе дөңгелек пішінді, сыртынан маймен қаптал,аг, пышақпен тілгенде сұр немесе сарығыш-сұр түсті.Ешкініңі де осылай орналасқан, бірақ көпшілігінің пішіні жарты ай тәріздес. Жас малдардың лимфа түйіндері, ересек малдың лимфа түйіндеріне қарағанда біркелкі үлкен және шырыны мол, болбыр келеді. Кәрі мал мен арық малдың лимфа түйіндері дәнекер ұлпалардың өсіп, лимфойд ұлпаларының азаюына орай семеді. Қартайған малда (әсіресе ірі қарада) өте жиі ошақты, сиректеу бір-біріне сіңіскен қара немесе қоңыр түсті рең (пигменттену) байқалады.Семіз малдарда торлы ұлпалардың май ұлпасына айналуына орай лимфа түйіндері көпшілік жағдайда кішірейеді. Лимфа түйіндеріне көршілес қою қызыл түсті, домалақ гемолимфатикалық түйіндер кездеседі. Малдәрігерлік санитариялық сараптау барысында бұндай түйіндердің ешқандай маңызы жоқ. Ірі қараның лимфа түйіндері. Бастың ЛТ.Шықшыт лимфа түйіні - сопақша келген, ұзындығы 6-9 см, жақ буын-ынан сәл төмен орналасқан, арт жағынан шықшыт сілекей безімен жабылса, алдыңғы жағын тері жабады. Лимфаны теріден, бастың еті мен сүйегінен, кеңірдектің алдыңғы жартысынан еріннен, қызыл иектен, сыртқы құлақтан жинайды. Лимфаны жұтқыншақтың сырт жағындағы бүйір лимфа түйініне береді. Алқым лимфа түйіні - Сопақша, ұзындығы 2-4 см, алқым безі мен сүйегінің аралығында жатады. Лимфаны бастың терісінен, еті мен ұртынан, кеңсіріктің алдыңғы жартысынан, қызыл иектен, таңдайдан жинайды. Лимфаны жұтқыншақ сыртындағы бүйір лимфа түйініне береді. Жұтқыншақтан кейінгі ортаңғы лимфа түйіні - ұзындығы 3-6 см дейін (қойдікі 8,3 см). Бастың бүгілдіргіш бұлшық еті мен жұтқыншақтың аша сүйек тарамдарының ортасында орналасқан лимфаны бас пен мойынның қосылған жеріндегі терісінен, тілден, қатты және жұмсақ таңдайдан, көмекей безінен, қеңсіріктің артқы жағынан, жұтқыншақ пен көмекейден жинайды. Бұл да лимфаны жұтқыншақ сыртындағы бүйір лимфа түйініне құяды. жүктеу/скачать 254,94 Kb. Достарыңызбен бөлісу:
|