Емтихан сұрақтары «Сот сараптамасының заманауи әдістері»
Азаматтық және қылмыстық істер бойынша сот сараптамасын тағайындау негізін түсіндір
жүктеу/скачать 232,02 Kb.
|
Сот сараптамасы сұрақтары 2
- Бұл бет үшін навигация:
- 88.Түрлі түсті принтерлердің көмегімен суретті баспалау жолдарын түсіндіру
| 87.Азаматтық және қылмыстық істер бойынша сот сараптамасын тағайындау негізін түсіндір
Қылмыстық іс бойынша сотка дейінгі іс жүргізу барысында сараптама істі қозғау туралы шешім қабылданған кезде, сондай-ак анықтау немесе алдын ала тергеу сатысында тағайындалады. ҚІЖК-нің 242-бабы 2-бөлігіне сәйкес қылмыстық істі қозғау туралы шешімді сараптама жүргізбейінше қабылдау мүмкін болмайтын жағдайда, ол қылмыстық іс қозғалғанға дейін тағайындалуы мүмкін. Айтылғандар көбінде есірткілердің заңсыз айналымымен, сондай-ақ қару және оқ-дәрілерді заңсыз сақтау, тасымалдау немесе алып жүрумен байланысты қылмыстық істерді қозғау кезінде болады. Істі қозғау туралы мәселені шешу сатысында, негізінде, өлім себептерін анықтау үшін сондай-ақ сот медициналық сараптамалар тағайындалады. Сарапшылық зерттеу үшін үлгілерді алу іс жүргізу әрекеті және оны жүргізу тек іс қозғалғаннан кейін мүмкін болғандықтан, қылмыстық іс қозғалғанға дейін сараптама тағайындаудың міндетті шарты ҚІЖК-нін 33-тарауында көрсетілген салыстырмалы үлгілерді пайдаланбай жүргізу мүмкіндігі болып табылады. Сараптама тағайындау рәсімін процесті жүргізуші органның әрекетін ұйымдастыру, жоспарлау, оларды жүзеге асыру амалдарын, бағалау және мінез-құлықтық сәттер секілді элементтері тән криминалистік тактика ережелерін ескере отырып қарастырған орынды болмақ. Аталған ережелер ҚІЖК нормаларына негізделеді. Сараптаманы тағайындау: дайындық және сараптама жүргізуді тапсыру екі кезеңіне бөлінеді. Дайындық кезеңіне мына элементтер кіреді: 1) сараптама тағайындау туралы шешім қабылдау; 2) осыған байланысты процесті жүргізуші органның өз іс-әрекеттерін жоспарлауы; 3) сот сараптамасының түрін анықтау; 4) сарапшыға сұрақтарды қою; 5) сараптама жүргізуді тапсыру жоспарланған сот сараптамасы органын немесе адамды тандау; 6) сараптама жүргізу үшін сарапшыны алғашкы мәліметпен қамтамасыз ету. 1. Сараптама тағайындау туралы шешім қабылдау. Егер іс үшін мәні бар мән-жайларды анықтауда арнаулы ғылыми білімдер негізінде зерттеу жүргізу қажет болған жағдайда сараптама тағайындалуы мүмкін. Мұнда осындай дәлелдемелік ақпарат алудың баламалы көздеріне талдау жасау қажет. Өзге тергеу әрекеттерін жүргізу арқылы тиімді анықталуы мүмкін кезде сараптама тагайындаудың қажеті жоқ. Сараптама тағайындау туралы шешім қабылдау дер кезінде болуы керек, өйткені басқаша жағдайда қосымша сараптамалар тағайындаудың қажеттілігі немесе іс бойынша іс жүргізу мерзімін елеулі бұзу болуы мүмкін. Сараптаманы тағайындау сәтін таңдау кезде процесті жүргізуші органның сарапшылық зерттеу нәтижесінде алынуы мүмкін дәлелдемелік ақпараттың сипаты мен көлемін дәл анықтаудың үлкен маңызы бар. 88.Түрлі түсті принтерлердің көмегімен суретті баспалау жолдарын түсіндіру жүктеу/скачать 232,02 Kb. Достарыңызбен бөлісу:
|