Карбункул –Бірнеше фолликулдардың іріңді-некротикалық қабынуы, сондай-ақ, біріккен қабынған инфильтратпен көрінетін, дермада және тері асты шел май қабатында орналасқан түзілістер
Карбункул –Бірнеше фолликулдардың іріңді-некротикалық қабынуы, сондай-ақ, біріккен қабынған инфильтратпен көрінетін, дермада және тері асты шел май қабатында орналасқан түзілістер.
Карбункулдың мөлшері фурункулдан гөрі үлкен, диаметрі 5-10 см жетуі мүмкін. Қызғылт-көгілдір, қара түсті, бірігуге бейім, күрт ауырсынатын инфильтрат баяу жұмсарып (10-14 күн ішінде) сұйық қанды ірің шығатын бірнеше жыланкөздер түзеді. Үлкен жараның түбінде бірнеше некротикалық өзектер пайда болады, олар түскеннен кейін жайылмалы және терең ақау пайда болады. Жара біртіндеп түйіршіктену арқылы тыртықтанады.
Карбункул фурункулға қарағанда ауыр өтеді - жиі жоғары температурамен (40–41 ° C дейін), айқын ауырсынумен көрінеді, интоксикацияның күшті көріністері, септикалық асқынулар
Гидраденит – апокриндік тер бездерінің іріңді қабынуы, стафилококктар бездерге олардың түтіктері арқылы, қолтықтарды қыру кезінде жиі пайда болатын терінің кішкентай жарақаттары арқылы енеді.
Ауру терінің беткейінде бұршақ көлеміндегі ауырсынулы түйіннен басталады. 2-3 күннен кейін түйін диаметрі 1-2 см-ге дейін артып, күлгін-қызыл түске ие болады. Сонымен қатар, төбе тәрізді түйіндер болуы мүмкін, олар тығыз ауырсынатын конгломератқа тез бірігіп, емізікшеге ұқсас жарты шар тәрізді болады. Мұндай жағдайларда ісіну мен инфильтрация едәуір ұлғаяды, түйіндер тесіліп, ашылады, оның ішінен іріңді кілегейлі бөлінді ағады. Гидраденит қызба, ауырсыну, жайсыздықпен бірге жүреді. Тыртықтану 7-10 күннен кейін пайда болады
Стрептодермиялар
Негізгі морфологиялық элемент - фликтена, көпіршік лайлы құрамды, қабаты жұқа, 1,5-2 см-ге дейін, ашылған фликтенаның орнында ашық қызғылт түсті эрозиялар көрінеді, фликтенаның бөлінділері құрғап, ашық сары жұқа қабықтарға айналуы мүмкін («бал» қабыршағы), 3-7 күннен кейін қабыршақ түсіп, кейін терінің жаңа эпителизацияланған қызғылт аймағы немесе уақытша депигментация орны қалады. Субъективті түрде қышу мазалайды. Таралуға және шеткері өсуге бейім. ӨТЕ ЖҰҚПАЛЫ!
