2. Қазақ хандары. Қазақ хандарының негізі
Шыңғысханның үлкен ұлы Жошы ханнан та-
райды. Керей мен Жәнібекбір-біріне туыстас
адамдар болған. Екеуінің де аталары – кезінде
ел билеген әйгілі хандар. Жаңа жерге келіп
хандық құрған қазақ халқы жасы үлкен Керейді ақ киізге көтеріп хан сайлайды.
Керейхан –
Қазақ хандығының тұңғыш ханы.
Жәнібек хан– Керейден кейін хан болып
сайланды. Ол шамамен 1471–1480 жылдары ел
биледі. Жәнібек хан кезінде Қазақ хандығы ай-
наласына өзінің дербес ел екендігін танытты.
Жәнібектің ұлы
Қасым ханбилігі тұсында
(1511–1518) Қазақ хандығы өркендеп дамып,
күшті мемлекетке айналды. Хандықтың ше-
карасы кеңейіп, кең-байтақ аумақты қамтыды.
Халқы миллионнан асты. Атты әскері үш жүз
мыңға жетті. Қасым хан мемлекетте тәртіпті
нығайтты. «Қасым ханның қасқа жолы» деп
аталатын қазақтың құқықтық заңдар жинағы
өмірге келді. Ел ішінде тұрақтылық орнады.
Мал басы өсіп, қолөнер мен егіншіліктің да-
муына мүмкіншілік туды. Сауда-саттыққа
жол ашылды. Басқа мемлекеттермен дипло-
матиялық қатынас орнатты. Олар Қасым хан
кезінде Қазақ хандығымен тату болып, өзара
елшілік байланысты нығайтуға ұмтылған.
Қасым хан билігі тұсында жоңғарлар қазақ
жеріне жорыққа шығудан қорықты. Қасым
хан Мәскеумен бейбіт қатынас орнатты. Қазақ
хандығы қуаты мен беделін Батыс Еуропа мем-
лекеттеріне де танытты.
