| Заң шығарушы билік – заң шығарумен, оны бекіту, өзгерту немесе жоюмен
айналысатын билік, парламент. Ол заң қабылдайды, салық салуды анықтайды, үкіметті
тағайындайды, бюджетті бекітеді, əскерді қамтамасыз етеді, сауданы реттейді, сотты
ұйымдастырады, халықаралық келісім шарттарды қабылдайды, саясаттың маңызды ішкі
жəне сыртқы бағытын айқындайды. Оның жұмысына конституция атынан ерекше
органдар (конституциялық қадағалау, конституциялық сот) бақылау жасайды.
Идеология – белгілі бір əлеуметтік топтар, таптар, партиялар жəне т.б. мақсаттары
мен мүдделерін бейнелейтін, үстемдік етіп, отырған қоғамдық қатынастарды
орнықтыруға немесе оларды өзгертуге қызмет ететін тұжырымдамалардың, пікірлердің,
идеялардың жүйесі. Жүйеленген түрінде ол партия бағдарламасында, декларация,
манифест, жарғыларында, сондай- ақ əр түрлі насихаттық құжаттарында қалыптасады.
Ол көпшіліктің саяси санасын қалыптастыруға, саяси өмірде бағыт-бағдар, рухани
байлықтар жүйесін айқындауға, саяси іс-əрекет жолдарын белгілеу жəне т.с.с.
қызметтерді атқарады, қоғам дамуында зор рөл атқарады.
Достарыңызбен бөлісу: |
