в) орталық аймақ – орталық сызықтың қасындағы алаңның үштен бірі;
г) үш секундтық аймақ – еденге салынған трапеция мен шектелген айыптық лақтыру алаңының бөлігі;
Ойыншы – ойынға қатысушы немесе команда мүшесі.
Жеке дара әрекеттер – алаңдағы жағдайға дұрыс баға беріп, үйлесімді шешім қабылдау кезінде қарсыласының қорғаныс немесе шабуыл әрекетін ойдағыдай жеңіп шығу.
Командалық әрекет– шеңберді шабуылдауға ыңғайлы жағдай жасау үшін команданың ұжымдық қимыл көрсетуі.
Ойын қисыны – шабуылда немесе қорғаныста ойыншылардың келісіп әрекет етуі.
Сызық – алаң периметрі мен оның жеке бірліктерін белгілейтін ені 5 см ашық түспен боялған сызық. Әрбір сызықтың ені ойын алаңының мөлшеріне кіреді. Баскетбол алаңын белгілейтін негізгі сызықтар: беткі, шеткі (бүйір), айыптық лақтыру, ортадағы, үш ұпайлық сызықтар.
Жеке прессннг – доп қарсыластың қолына тиген сәттен бастап, әр ойыншы өз командасын қорғай отырып, бүкіл алаңда аңдып жүрген қарсыласын бақылаудың белсенді түрі.
Минуттық үзіліс – ережеге сай жаттықтырушының сұрауы бойынша берілетін бір минуттық демалыс. Әр жаттықтырушы бір кезеңде екі рет демалыс ала алады.
Топтаса қорғану – ойыншылардың шоғырланған белсенді қорғанысы – асығыс жасалған қимылдың әсерінен қарсыластарды қателік жасауға мәжбүр ететін әдіс-айла.
Аралас қорғаныс – ойыншылардың жеке немесе аймақтық бақылау принциптерін құру қорғанысы. Мысалы, төрт ойыншы аймақта, біреуі жеке ойнай алады немесе үш ойыншы аймақта, екуі жеке, т.б. ойнайды.
Тік тұру – қарсыластар шабуылына әрқашан дайын болу үшін ойыншы аяғын сәл бүгіп, нық тұрады.
Нүкте (орын) – алаңда шабуылдаушы барынша нәтижелі лақтыру жасай алатын жері.