Бес рет командалық тәртіп бұзушылық – команда ойынның бір кезеңінде 5 жекелік не тәсілдік тәртіп бұзушылық қалған уақыттың бәрінде айып добын белгілеумен жазаланады.
Шабуыл – шабуылдаушылардың қарсыластар қалқанына қарай допты шеңберге түсіру мақсатында қозғалуы. Шапшаң шабуыл, шапшаң бұзып-жарып өту деп те аталады.
Лақтыру – ойыншының қарсылас шеңберіне допты дәл түсіруге бағытталған әрекеті.
Айыптық лақтыру – қарсыластың тәсілдік және жеке қателігі үшін тағайындалатын лақтыру, ол айыптық лақтыру сызығынан қарсыластың кедргісінсіз орындалады.
Допты жүргізу – ойыншының допты еденге бір немесе кезек-кезек екі қолмен соға алып жүруі. Допты жүргізуді «дриблинг» деп те атайды. Ал, допты жүргізуші ойыншыны «дриблер» деп атайды.
