Х. С. Муханбеткалиев 20 ж


Менеджмент негізінде мектеп басқару принциптері



бет33/77
Дата06.01.2022
өлшемі1,04 Mb.
#12086
1   ...   29   30   31   32   33   34   35   36   ...   77
Менеджмент негізінде мектеп басқару принциптері (ұстанымдары)

Мақсаты:

Менеджмент негізінде мектеп басқару ұстанымдарын (принциптерін) меңгеру және оларды тәжірибеде пайдалану жолдарымен танысу



Курс соңында студенттерден күтілетін нәтижелер:

  1. Менеджменттің ортақ мақсатқа жету ісінде адамдардың ынтымақтастығы мен жеке мүмкіндіктерін дұрыс бағыттау идеясын
    терең түсінеді.

  2. Менеджмент ұстанымдарын біледі және оларға сай оқушы мен мұғалімнің қарым-катынасы түрлерін ажырата алады.

  3. Менеджменттегі әлеуметтік әділеттілік ұстанымдарын өз бетімен айқындай алады және тәжірибеде пайдалану жолдарын меңгереді.

Дәріс мазмұны:

Менеджмент негізінде мектеп басқару қызметінің мазмұны оның ықпал ететін объектісіне қатысты және олар басқару жүйесін құрастыру барысында жүргізілетін қызметтік әрекеттердін объектіге байланысты өзгере алады. Басқару қызметіне сай басқару міндеттері қойылады, бұл жерде басқару қызметі "нені орындау қажет? " деген сұрақтарға жауап берсе, басқару міндеттері оған қоса басқаруды іске асырудың шарттарын қарастырады, ол шарттар бір мерзім аралығында белгілі бір қызметті орындауға бағытталады.



М.С.Каган, Т.И.Шамова зерттеулерінде әрекеттерді менеджмент тарапынан басқарудың төмендегі түрлері көрсетілген:

Құндылықтық-мотивтік: тұлғаны инновациялық әрекеттерге әкелетін өз құндылыктары жүйесі, ынтасы, қажеттіктері, белсенділігі;

Мазмұндық-әдістемелік: оған тұлғалық және кәсіби дамуы арқылы игерілетін инновациялық білімі мен әдіс-тәсілдері;

Рефлексиялық: педагогикалық әрекет барысындағы талдау және нәтижені қорыту. Әрекет барысын, нәтижесін рефлексиялык талдай білу басқарудың жаңа бағыттарының инновациялық әрекеттердің іске асырылу деңгейін бағалауға мүмкіндік береді.

М.М.Поташниктің айтуынша, қазіргі мектептердің демократиялық үрдіске бағыт алуы шын мәнінде демократияның қажеттігін мойындауына байланысты. Бул қажеттік қоғамның интеллектуалдық өрісі кең, ойлау деңгейі жоғары, өз бетімен аса жауапты проблемаларды шешуге қабілетті жаңа адамға сұранысынан туындайтыны белгілі.

Менеджмент негізінде мектеп басқару ұстанымдарын табиғатпен сәйкестік, мәдениетпен сәйкестік, синергетикалық, интеграциялық, шығармашылық-дамытушылық, диалогтык, кері байланыстық және рефлексиялық ұстанымдардан тұрады деп есептейміз.

Табиғатпен сәйкестік ұстанымы.

Мектеп басқару арқылы оқушы табиғатына сәйкес төмендегі әдістемелік тәсілдер жүзеге асырылады: мұғалім оқушыны өз тақырыбы бойынша қайшылыққа әкеліп, оны шешудін жолдарын табуды өздеріне ұсынады; қайшылықты практикалық іс-әрекетте көрсетеді; бір сұрақты жан-жақты қамтитын бірнеше жауаптар ұсынады; құбылысты әртүрлі позициядан қарастыруды тапсырады.

Мәдениетпен сәйкестік ұстанымы.

Бүгінгі мектептерге қойылып отырған мәдени-гуманитарлық талаптар оқушыларды адамзат құндылықтарын меңгеруге бағытталғандықтан басқаруда мәдениетпен сәйкестік ұстанымын негізге алу арқылы мектепте ұлттық, әлемдік негіздегі білім беру құндылықтары жүзеге асырылады. Басқарудың негізгі нысанасына адам алынып оның мазмұнының ізгілендірілуі, оқушылар, мұғалімдер, ата-аналардың мектеп өміріне белсенді араласуы арқылы ұлттық және адамзаттық құндылықтарды қалыптастыруға қолайлы орта пайда болады.



Синергетикалық ұстаным.

Менеджментте педагогикалық қызметті басқару өзін-өзі дамыта, басқара алатын жүйенің бір сапалық жағдайдан келесі сапалық жағдайға өту арқылы жүзеге асырылады. Белгілі бір құрылымның ішіндегі элементтердің өзара байланысын зерттейтін синергетика ұғымы біздің елімізде 80-жылдардан бері қолданыла бастады. Оның мәнін өзін-өзі ұйымдастыра алатын, өзін-өзі басқара алатын, өзін-өзі дамыта алатын құрылым деген түсініктер береді.



Интеграциялық ұстаным.

Мектептегі білім жүйесінің ашықтығы, жаратылыстану және гуманитарлық ғылымдардың интеграциялануы және түрлі теориялық, технологиялық әдістемелік бағыттардың бірін бірі толықтыра алатыны бұл ұстанымды әдіснамалық негізге алуды қажет етеді.

Дүниенің тұтастық бейнесін тұтас қалыптастыру идеясы көптеген зерттеушілер тарапынан дәлелденгенімен, бүгінгі білім мазмұнында оқулықтар мен пәндер түзілімі өз алдына бөлек салалар ретінде берілген. Мектептегі пәндердің әрқайсысы өз алдына белгілі бір білім жүйесін құрайды және оқушының терең меңгеруіне бағытталады.





Достарыңызбен бөлісу:
1   ...   29   30   31   32   33   34   35   36   ...   77




©emirsaba.org 2024
әкімшілігінің қараңыз

    Басты бет