Химия пәніне арналған оқу-әдістемелік материалдар
Өзін өзі бақылауға және зертханалық жұмыстарды қорғауға арналған сұрақтар
жүктеу/скачать 5,02 Mb.
|
- Бұл бет үшін навигация:
- 4 және № 5 зертханалық сабақтар. Химиялық кинетика. Химиялық тепе-теңдік
- Зертханалық жұмыстар бойынша сұрақтар
- 1 тәжірибе. Әрекеттесуші заттардың концентрациясының реакция жылдамдығына әсері.
- 2 тәжірибе. Реакция жылдамдығына температураның әсері
- 3 тәжірибе. Химиялық реакцияның жылдамдығына катализатордың әсері.
- 4 тәжірибе. Гетерогендік процестің реакция жылдамдығы
- 5 тәжірибе. Химиялық тепе-теңдіктің ығысуына зат концентрациясының әсері
| Өзін өзі бақылауға және зертханалық жұмыстарды қорғауға арналған сұрақтар:
1.Термохимия нені зерттейді? 2.Экзотермиялық және эндотермиялық деп қандай реакцияларды айтады? 3.Гесс заңын және оның салдарын айтып беріңіз. 4.Ішкі энергия деген не? 5.Энтальпия деген не және оның физикалық мәні қандай? 6.Термодинамиканың бірінші заңын айтып беріңіз. Энтропия деген не? Стандартты энтропия деген не? Энтропиялық бірлік деген не? 7.Изобаралы-изотермиялық потенциал деп немесе Гиббс энергиясы деп қандай шаманы айтады? ∆G қандай бірлікпен өлшенеді? 8.Жүйенің энтропиялық және энтальпиялық факторлары деген не? 9.ΔН пен ΔS байланысы қандай теңдеумен өрнектеледі? № 4 және № 5 зертханалық сабақтар. Химиялық кинетика. Химиялық тепе-теңдік Сабақтың мақсаты: Химиялық реакцияның жылдамдығына және химиялық тепе-теңдікке әртүрлі факторлардың әсерін тексеру. Зертханалық жұмыстар бойынша сұрақтар: 1.Химиялық реакцияның жылдамдығына әсер ететін факторлар. 2.Химиялық тепе-теңдікке әртүрлі факторлардың әсері. 3.Әрекеттесуші массалар заңы. 4.Вант-Гофф ережесі. №1 тәжірибе. Әрекеттесуші заттардың концентрациясының реакция жылдамдығына әсері. Әрекеттесетін заттардың концентрациясының реакция жылдамдығына әсерін мына реакция арқылы, яғни натрий тиосульфатының концентрациясын өзгерту арқылы көруге болады. Na2S2O3 + H2SO4 = Na2SO4 + SO2 + H2O + S↓ Реакцияның жүргендігін ерітіндінің күкірт бөлінуі нәтижесінде тұнбалануы арқылы анықтайды. Үш пробиркада натрий тиосульфатының әр түрлі концентрациялы ерітіндісін дайындаңдар. Бірінші пробиркаға 9мл натрий тиосульфатын, екінші пробиркаға 6мл Na2S2O3 және 3мл су, үшінші пробиркаға 3мл натрий тиосульфатын және 6мл дистильденген су құйыңдар.
Төртінші пробиркаға 3мл концентрлі күкірт қышқылын өлшеп алып бірінші пробиркаға тез қосыңдар, пробиркадағы ерітінділерді араластырыңдар, қышқылды құйысымен секундомерді қосыңдар. Тұнба байқалысымен уақытты жазыңдар. Қалған екі пробиркаға да осындай қышқыл құйып уақытты жазыңдар. Тәжірибе нәтижесінен график сызыңдар. Абцисса осіне Na2S2O3 концентрациясын, ординатаға υ=1/Δt қойыңдар. Натрий тиосульфаты концентрациясының реакция жылдамдығына әсерін қорытындылаңдар. №2 тәжірибе. Реакция жылдамдығына температураның әсері Үш пробиркаға 5мл-ден натрий тиосульфатын, үш пробиркаға 5мл-ден күкірт қышқылын құйыңдар. Пробиркаларды қышқыл-тиосульфат етіп үш жұпқа бөліңдер. Бірінші жұпты су құйылған стаканға қойыңдар, стаканға термометр салыңдар. 3-5 минут өткен соң, яғни пробиркадағы ерітінділер температурасы теңескен соң, температураны анықтаңдар. Екі ерітіндіні бір-біріне құйып, араластырыңдар. Екі ерітіндіні бір-біріне құйғаннан соң, секундомерді қосыңдар. Тұнба байқалысымен уақытты жазыңыздар Стакандағы суды 100С-қа көтеріп (ыстық су құю арқылы), екінші пробиркалардың жұбын орналастырыңдар да алдынғы тәжірибе сияқты тәжірибе жасаңдар. Осылай үшінші пробирканың жұбымен стакандағы суды 100С-қа көтеріп, тәжірибе жасаңдар.
Тәжірибе нәтижесінен график сызыңдар. Абцисса осіне температура мәнін, ординатаға υ=1/Δt қойыңдар. Реакция жылдамдығына тигізген температураның әсері туралы қорытынды жасаңдар. №3 тәжірибе. Химиялық реакцияның жылдамдығына катализатордың әсері. Пробиркаға 6мл күкірт қышқылын (1:3) құйыңдар, оған 5-6 тамшы калий перманганатын тамызыңдар. Ерітіндіні араластырып, бірдей етіп 5 пробиркаға бөліңдер. Бір пробиркадағы ерітіндіні салыстыруға қалдырыңдар. Екінші пробиркаға аз мөлшерде мырыш ұнтағын салып, араластырып, ерітінді түссізденгенше уақытты секундомер арқылы анықтаңдар. Үшінші пробиркаға да сонша мырыш салып 1 тамшы КNO3 ерітіндісін тамызыңдар. Ерітіндіні араластырып тағы уақытты анықтаңдар. Төртінші пробиркаға 2 тамшы, бесінші пробиркаға 3 тамшы КNO3 құйып, тәжірибені қайталаңдар.
Тәжірибе нәтижесінен график сызыңдар. Абсцисса осіне КNO3 тамшысының санын, ордината осіне салыстырмалы жылдамдықты қойыңдар. №4 тәжірибе. Гетерогендік процестің реакция жылдамдығы 0,2 граммнан бор (СаСО3) өлшеңдер (2 рет). Біреуін сол қалыпта пробиркаға салыңдар, екінші өлшеген борды ұнтақтап екінші пробиркаға салыңдар. Екі пробиркаға да 0,5мл-ден тұз қышқылын құйыңдар. Секундомерді қосып, бордың екі пробиркадағы толық ерігеніне дейінгі уақытты анықтаңдар. Реакция теңдеуін және әрекеттесуші массалар заңының математикалық өрнегін жазыңдар. Әрекеттесетін заттардың бетінің көлемінің реакция жылдамдығына әсері туралы қорытынды жасаңдар. №5 тәжірибе. Химиялық тепе-теңдіктің ығысуына зат концентрациясының әсері Пробиркаға өте сүйытылған ҒеСl3 және NH4CNS ерітінділерін төрт тамшыдан құйыңдар. Сонда реакцияны мынандай теңдеумен көрсетуге болады: ҒеСl3 + 3NH4CNS ↔ Ғе(CNS)3 + 3NH4Сl Алынған ерітіндіні сумен тағы сұйылтыңдар (1:2), оны бірдей етіп 5 пробиркаға бөліңдер. Біреуіне 2 тамшы ҒеСl3 ерітіндісін, екіншісіне 2 тамшы NH4CNS ерітіндісін, үшінші пробиркаға 2 тамшы NH4Сl ерітіндісін, төртінші пробиркаға 2 тамшы алғашқы ерітінді (NH4CNS + ҒеСl3) қоспасын қосыңдар. Алғашқы үш пробиркадағы ерітінді түсінің өзгеруін төртінші пробиркадағы ерітінді түсімен салыстырыңдар:
Темір хлориді мен аммоний роданиді арасында жүретін қайтымды реакция үшін тепе-теңдік константасын жазыңдар. Байқаған құбылыстарды Ле-Шателье принципі тұрғысынан түсіндіріңдер. жүктеу/скачать 5,02 Mb. Достарыңызбен бөлісу:
| |||||||||||||||||||||||||||||||||||||||||||||||||||||||||||||||||||||||||||||||||||