Тақырып 15 . Орталық және Оңтүстік-Шығыс Азия елдері: социализмнен нарықтық эконо­мика мен либералдық демократияға өту

1. 
   Орталық және Оңтүстік-Шығыс Еуропа елдерінің соғыстан кейінгі дамуының қысқаша сипаттамасы.
   
2. 
   Кеңес-югослав қақтығысы.
   
3. 
   Шығыс Еуропа елдеріндегі 50-жылдардың ортасы- 60-жылдардағы саяси дағдарыстар.
   
4. 
   Орталық және Оңтүстік-Шығыс Еуропа елдерінің 80-жылдарындағы дамуы. Польшадағы саяси дағдарыс.
   
5. 
   Шығыс Еуропа елдері кеңестік қайта құру кезеңінде.
   

Екінші дүниежүзілік соғыстан кейін КСРО Еуропа мен Азия­да өзінің ықпал аймағын кеңейту мақсатын қойған кезде, осы мақ­сат­ты бүркемелеу үшін тағы да иеологиялық принциптер ойлап табылды. Атап айтқанда, Орталық және Оңтүстік Еуропа елдерінде антифашистік күштерге көмектесу, демократиялық жүйені қалпына келтіру идеясы көтерілді және коммунистік партиялар ең негізгі антифашистік күш болып саналды. Іс жүзінде аталған елдерде социа­лизмнің кеңестік үлгісі орнықтырылды, бір партиялық жүйе қалыптастырылды, демократия шектелді, бұл елдер Кеңес Одағы­ның ықпал аймағына енгізілді. Кейіннен, әрине, КСРО сыртқы саясатының идеологиялық негіздері кеңейтілді, “халықаралық шиеленістің бә­сең­­деуі”, “бейбітшілікті қорғау бағдарламасы”, т.б. идеялар наси­хат­­талды. Алайда идеологиялық принциптерді жариялай отырып, КСРО іс жүзінде өзінің сыртқы саясатында бұл принциптерді емес, бұрынғы Ресейдің сан ғасырлар бойы қалыптасқан империялық сая­сатын жалғастыруды мақсат тұтты. Демек, Кеңес Одағының сырт­қы саясатын жобалауда және жүргізуде негізгі рөлді екі идея атқарды: байырғы ресейлік ұлттық мүдделер мен империялық мүд­делерді қорғау және оны марксизмнің кеңестік нұсқадағы идеяла­ры­мен бүркемелеп отыру. 80-жылдардың ортасында ха­лық­аралық қаты­­настарды идеологиясыздандыру бағыты жария­ланды. Алайда ол КСРО сыртқы саясатының түбірлі өзгерісі емес еді.