Тақырып 3. Солтүстік Америкадағы тәуелсіздік үшін соғыс. Америка Құрама Штаттарының құрылуы

1. 
   Жаңа Англия. Отарлардың саяси құрылымы.
   
2. 
   Әлеуметтік межелену және отарлық кезеңдегі демократиялық қозғалыс. Солтүстік американ ұлтының қалыптасуы.
   
3. 
   Тәуелсіздік декларациясы, оның тарихи маңызы. Версаль келісімі және АҚШ тәуелсіздігінің мойындалуы. Конституция.
   

1. 
   Соединенные Штаты Америки: Конституция и законодательные акты / Пер. с англ. М., 1993.
   
2. 
   Американская цивилизация как исторический феномен / Отв. редактор Болховитинов Н.Н. М., 2001.
   
3. 
   Аптекер Г. История американского народа. Т. 1-2. M., 1961-1963.
   
4. 
   Баскин М.П. Философия американского просвещения. М., 1955.
   
5. 
   Егоров С.А. Конституционализм в США. М., 1994.
   

Англиядан алғашқы қоныс аударушылар Солтүстік Америкадағы үнді тайпаларының мекен етуші аймақтарында бірден алтынға «тап болмаса да», олар бұл аумақтағы құнарлы жерлерді игеру үлкен түсім әкелетіндігіне сенімді болатын. Солтүстік Америка аумағы үшін ХVІІ ғасырда пайда болған ағылшын отарлары шешуші рөл атқарды. Соның нәтижесінде көшпелі отарлар пайда болды. Осы ағылшын отарлары 160 жылға созылған ұзақ даму жолынан өткеннен соң, Англиядан тәуелсіздік үшін күрес нәтижесінде бөлініп, жаңа заманда батыс жарты шарындағы ірі мемлекеттің біріне, кейіннен әлемдік державаға айналған — Америка Құрама Штаттарын құрды. 1625 жылы таққа келген І Карл Виргинияны король отары деп жариялай, оған өзінің губернаторын тағайындады. Виргиниядағы қоғамдық құрылымдар және әлеуметтік қатынастар басқа отарлар үшін үлгі ретінде айтыла жүрді. Алғашқы он жылдықта губернатор басқарған отарлық әкімшіліктен тұратын үстемшілер мен ағылшын джентрилерінен, компания акционерлері және басқада ауқатты тұрғындардан тұратын орташалар пайда болды. Олардың барлығы толық құқылы азаматтар (фримен) қатарына кірді. Олар келісім бойынша белгілі бір жұмыспен айналысуға тиісті еді. Еңбек ету мерзімі аяқталғаннан кейін оларға жер кесілімдері беріледі деп уәде етілген еді. Мұндай келісімге отырған адамдар сервенттер деп аталады. Ал, плантациялық темекі өсіру шаруашылығымен айналысып, байығандар жергілікті «жаңа ақсүйектер» тобын құрады. Солтүстік Америкада корольдік отар Виргиниядан басқа, жеке меншік отар түрлері де кеңінен таралады. Феодалдық және плантациялық шаруашылық сыртқы ұқсастықтарына қарамастан, табиғаттары әр түрлі болатын. Лендлордтардың мақсаты – оның жерін пайдаланушы отар иелігіндерден квитентроны немесе арендалық төлемді алу болды. Мұны ол феодалдық құқық негізінде іске асырды. Шығыс Еуропалық түрдегі барщиналық шаруашылық та осы сипатта құрылды. Ал, плантаторлардың мақсаты - өз жеріне қаржы жұмысау арқылы, өсіріп өндірген өнімді сату арқылы табыс табу. Лендлорд плантатордай капиталист бола алмады, себебі ол жер мен жұмысшыларды корольдің рұқсатымен иеленді.