Асқазан секрециясының стимуляторлары асқазанға түтік арқылы енетін энтеральды және асқазан-ішек жолын айналып өтетін парентеральды болып бөлінеді.
Асқазан секрециясының энтеральды тітіркендіргіштеріне қырыққабат шырыны немесе құрғақ қырыққабаттың 7% қайнатпасы, ет сорпасы және т.б. жатады. Энтеральды тітіркендіргіштердің жалпы кемшілігі құрамын стандарттау қиындығы және олар тудыратын асқазан секрециясының салыстырмалы түрде әлсіз стимуляциясы болып табылады.
Парентеральды тітіркендіргішретінде гистамин, гисталог, гастрин, пентагастрин, инсулин қолданылады. Оларды енгізу күшті секреторлық әсер береді, бірақ жанама әсерлермен (қан қысымының төмендеуі және гистаминнен бронхоспазм; инсулиннен гипогликемия) жүруі мүмкін. Гистамин фосфаты әдетте науқастың салмағына 0,01 мг/кг дозада қолданылады (субмаксимальды гистаминдік сынама).
