Курстың мақсаты: Бұл ғылыми курс қазақ тілі синтаксис жүйесі туралы теорияны білу; бұл жүйенің коммуникация үстіндегі жұмсалысын таныту; оны өз тәжірибесінде дұрыс қолдану; құрылымдық, семантикалық талдау дағдыларын меңгертуді мақсат етеді.
Күтілетін нәтижелер: - сөз тіркесі мен жай сөйлем құрылысын білу арқылы өз байқағандарынан дұрыс қорытынды жасай алады;
- сөйлемнің ойлау жүйесімен, логикамен тығыз байланыстылығын пайымдай алады;
- шынайы болмыстағы қатынастардың тілдегі көріністерін синтаксистік деңгейдегі сөз тіркесі құрылымында, сөйлем жүйесінде объективтенуін саралайды:
- сөйлемнің құрылымдық, айтылу мақсатына қарай, логико-грамматикалық типтерінің коммуникативтік талаптар дәрежесіне сай түрленуін анализдей алады;
- құрмалас сөйлемдердің құрылымдық,семантикалық, функционалдық аспектіде топтастырылуын танып, қызметін, жұмсалысын анықтайды;
- мәтіндік деңгейде берілген сөйленімді нақты сөйлеу жағдаяттарына сай синтездей алады;
- орта мектептердегі синтаксис деңгейінің оқыту бағдарламасындағы проблемаларды танып, шеше алады;
- синтаксисті оқыту әдістерін меңгеріп, оқытуда қажетінше қолдана алады;
- өз пікірін, ойын дұрыс жеткізуде коммуникативтік талапқа сай дұрыс сөйлеу дағдыларын меңгереді.