Қайнатпа, джем, компот. Бұлардың арасынан көбінесе шие,
құлпынай, алхоры, алмұрт, алма сияқты бактериоцидтік заттары жоқ
өнімдер бұзылады.
Ең ұзақ сақтауға мүкжидек, итбүлдірген, қарақат, қызылтал, қара
қарақат жатады. Өйткені бұлардың биологиялық активті заттары
жəне антисептиктері бар. Мысалы, мүкжидек пен итбүлдіргенде
0,06% дейін бензой қышқылы болады.
Карамель, шоколад, кəмпит. Ерекше технологиялық процесс
пен арнайы механизациядан өткен бұл өнімдерде зиянкес микро-
организмдер сақталмайды. Сонымен қатар өнімнің биохимиялық
сапасының өзінде: аз мөлшердегі ылғалдылық, қанттың жоғарғы
концентрациясы, қатты консистенциясы бұлардың барлығы
микроорганизмдердің көбеюіне қолайлы орта болып табылмай-
ды. Алайда кейбір конфеттердің сорттары сақтауға төзімсіз келуі
мүмкін. Мысалы, ылғалдылығы жоғары глазирленген конфеттер не-
месе ылғалдылығы жоғары ликерлі салма.
|
