тады. Қантты сиропты дұрыс қайнату барысында аздаған мөлшерде
микроорганизмдердің споралары (тозаңдары) түзіледі. Алайда ұзақ
сақталу нəтижесінде ол лас коммуникациялар арқылы немесе ауадан
(қант қапшығының шаң-тозаңдары) инфицирленіп кетуі мүмкін.
Құрал-жабдықтар. Дұрыс жуылмаудың нəтижесінде барлық
аппараттар, чандар (ашыту күбісі), құбір желілері, сонымен қоса
фильтрлеуші масса да инфекция көздері ретінде танылуы мүмкін.
Солардың ішіндегі ең қауіптісі – бөліп-құю машиналары.
Əсіресе, құйғыштардың құрылымы ерекше көңіл бөлуді қажет
етеді. Оның себебі құйғыштарда қалып қоятын жеміс шырындары
микроорганизмдердің өсуіне ықпал жасайды. Бұл жағдайда залал-
сыздандыру құралдары əрдайым көмектесе бермейді. Егер бөліп-
құю агрегаттарын жиі жуып, залалсыздандырып тұрмаса, үлкен
көлемде Грам
теріс бактериялары, көп жағдайда қышқыл түзгіш
жəне зең саңырауқұлақтары, əртүрлі ашытқылар, ашытқытектестер
түзіледі.
Аппараттар арасынан сиропты əрі купажды бактар, соның ішіндегі
сироп құйғыштар, мөлшерлегіш машиналар, купажды (араластыру)
тізбектер, заторлы, тұндырмалы ашыту чандары, суслолы жəне квасты
сиропты желілер, құбіршіктер жəне т.б. құрылғылар бақылауды қажет
етеді. Ыдыстардың да тазалығы өте маңызды орын алады.
