Газ тəрізді заттар. Əртүрлі газдарды зерттеуде олардың көбісі
күшті бактерицидтік əсерге ие екені көрсетілді. Мұндай «залалсыз-
дандырушы газдарға» формальдегид, этиленнің тотығы, күкіртті ан-
гидрид жəне β-пропиолактон жатады.
Формалин. Формалин формальдегидтің судағы ерітіндісінің газы
болып табылады. Формалиннің 5%-дық ерітіндісінде споралық фор-
малар 30 минуттан кейін, 2%-дық ерітіндіде – 60 минуттан кейін,
1%-дық ерітіндіде – 2 сағаттан кейін өледі.
Зарарсыздандыру үшін 40%-дық формалиннен дайындалған 2%-
дық ерітінді түріндегі формалинді қолданады.
Мұндай ерітінділерді күбілерді, сауыттарды жəне басқа да
сыйымдылықтарды, сонымен қатар алюминийден жасалған
сыйымдылықтарды өңдеуге пайдаланады.
Формалиннін кемшілігі: ол адамның шырышты қабықшаларына
қатты улы əсер ететіндіктен оны қолдану қолайсыз.
Зарарсыздандырушы ерітіндінің нəтижелігін бақылау. Анти-
септикалық əсерді тексеру үшін пробиркадағы 1 мл сумен жуылған
тығыз өндірістік ашытқыға 10 мл дайындалған ерітінідіні қосады.
Ашытқыны жақсылап араластырып, 2 сағатқа қалдырады. Содан
кейін пробиркалардағы суслоларға жəне Петри табақшаларындағы
сусло-агарларға егеді. Егінділерді термостатта 25°C-та ұстайды.
Егер де 6 тəулік ішінде микроорганизмдер өсуі байқалмаса, онда за-
лалсыздандырушы ерітінді белсенді деп саналады.
