Ауыр металдардың қосылыстары. Зарарсыздандырғыш ре-
тінде органикалық жəне бейорганикалық қосылыстар түріндегі
ауыр металдардың – сынаптың, күмістің жəне мыстың тұздары
қолданылады. Бұл заттар микроорганизм белоктарына коагуляция-
лық əсер етеді.
Сулема (екіхлорлы сынап). Сулема күшті улы зат болып табылады
жəне жалпы залалсыздандыру үшін ерітінді түрінде қолданылады.
1:10000 қатынасына келтірген кезде, сулема бактерицидтік əсер
етеді. 1:1000 концентрациясында бактерицидтік əсерлер байқала
бастайды: бактериялардың вегетативті клеткалары 1-30 минуттан
кейін өле бастайды. Ал 1:500 сулеманың қатынасында бактерия спо-
ралары өледі.
Күміс препараттары. Антисептик ретінде күміс препа-
раттарының əр түрлері қолданылады. Медицинада 2% азот
қышқылды күмістің ерітіндісін қолданады. Күмістің кейбір
қосылыстарын залалсыздандыру ретінде тағам өндірісінде
қолданылады. Бактерицидтік əсер етуге негізделген кейбір
металдардың тұздарымен, соның ішінде күміспен залалсыздан-
дыру əдісі – катадиндіден, ал осы металдар иондарының арнайы
улылығын – олигодинамикалық əсер деп атайды. Иондалған
күйдегі күмістің суда аз мөлшерінің өзі ондағы микробқа қарсы
əсер етеді. Сонымен бірге олигодинамикалық əсерге алтын, мыс
жəне басқа да кейбір металдар ие.
