бағыттағы 10-11-сыныптары үшін «Ұйғыр әдебиеті» пәнінен

      РҚАО-ның ескертпесі!

      Бұдан әрі Типтік оқу Бағдарламаcының өзбек тіліндегі мәтіні берілген.

Қазақстан Республикасы   

Білім және ғылым министрінің  

2013 жылғы 3 сәуірдегі    

№ 115 бұйрығына       

87-қосымша         

Жалпы орта білім беру деңгейінің қоғамдық-гуманитарлық бағыттағы 10-11-сыныптары үшін

«Тәжік әдебиеті» пәнінен

типтік оқу бағдарламасы

      РҚАО-ның ескертпесі!

      Бұдан әрі Типтік оқу Бағдарламаcының тәжік тіліндегі мәтіні берілген.

Қазақстан Республикасы     

Білім және ғылым министрінің  

2013 жылғы 3 сәуірдегі    

№ 115 бұйрығына       

88-қосымша         

Жалпы орта білім беру деңгейінің жаратылыстану-математикалық

бағыттағы 10-11-сыныптары үшін «Алгебра және анализ бастамалары» пәнінен типтік оқу

бағдарламасы

1. Түсінік хат

      1. Оқу бағдарламасы Қазақстан Республикасы Үкіметінің 2012 жылғы 23 тамыздағы № 1080

қаулысымен бекітілген Орта білім берудің (бастауыш, негізгі орта, жалпы орта білім беру)

мемлекеттік жалпыға міндетті 

 сәйкес әзірленген.

стандартына

      2. Алгебра және анализ бастамаларын игеру оқушылардың ой-өрісін, логикалық пайымдау,

дәлелдеулер жүргізу, практикалық есептерді шығару барысында математикалық білімдерін қолдану

біліктігін дамытуға бағытталған.

      3. Бағдарламаны жүзеге асыру жұмыстың белсенді түрлерін көбейтуді, оқушыларды

коммуникативтік, зерттеу және практикалық қызметке араластыруды, ақпараттық технологияларды

қолдануды көздейді.

      4. Оқыту мақсаты: алгебра және анализ бастамаларының базистік негізін игеру, олардың

математикалық тілді меңгеру, математикалық шығармашылыққа деген қызығушылығын, математикалық

интуициясын және математикалық қабілеттерін дамыту; өз тағдырына жайбарақат қарамайтын тұлғаны

және тұлғаның қызметтің түрлеріне құндылықпен қарауын тәрбиелеу.

      5. Оқытудың міндеттері:

      1) тұлғаның интеллектуалдық қасиеттерін дамытуға бағытталған алгебра және анализ

бастамаларының базистік негізін сапалы игеруін қамтамасыз ету;

      2) ақиқат болмысты тану әдісі мен суреттеу формасы ретінде математика туралы,

математиканың әдістері мен идеялары туралы түсініктерін қалыптастыру;

      3) жалпыадамзаттық мәдениеттің бөлігі ретінде математика туралы, қазіргі қоғам мен

өркениет тарихында математиканың маңыздылығы туралы түсініктерін дамыту; оқушылардың математика

ғылымының түрлі даму кезеңдеріне ғалымдардың қосқан үлестері туралы түсініктер арқылы жалпы

дүниетанымдарын кеңейту; математиканың қолданылуы бойынша оқушылардың түсініктерін кеңейту;

      4) математикадан есептерді шығарудың жаңа жолдарын игеру; қазіргі кезеңге сәйкес аралас

пәндерді игеруде қажетті математикалық білімдерді меңгеру; күнделікті өмірде қолдану;

практикалық қызметте математикалық білімдерін қолдану біліктігін дамыту.

      5) қазіргі қоғамда, жалпы әлеуметтік бағдар және практикалық мәселелері шешуде әр адамға

қажетті ойлаудың сапасын қалыптастыру; оқушының ой-өрісін, логикалық ойлауын, әрбір оқушының

шығармашылық қабілеттерін, пәнге деген қызығушылығын дамыту;

      6) әлеуметтік ұтқырлықты, өзіндік шешімді қабылдау мүмкіндігін қамтамасыз ететін тұлғалық

қасиеттерін тәрбиелеу; өзіндік жұмыс, өздігінен білім алу қабілетін, топта жұмыс істеу және жеке

тапсырмаларды орындаудағы өзіндік бағалау дағдыларын дамыту; оқушыларға берілген тақырып бойынша

өздігінен есептер құрастыру және оларды шығаруға, сабақтарға презентациялар дайындауға мүмкіндік

беру; келіп түскен ақпараттар ағынында бағдарлау білігін дамыту;

      7) тұлғаның даму факторы (басқаларды тыңдау және түсіну, өзін таныту, компромисс табу, топ

ішінде қарым-қатынас жасау, келісімге келу, топта жұмыс жасау, өзінің және жолдастарының

жұмыстарын бағалай білу) ретінде оқушыларды ойын, коммуникативтік, практикалық және зерттеу

қызметіне қатыстыру;

      8) жаратылыстану-математикалық циклдің пәндерін әрі қарай игеруге жағдай жасау; игерілген

ұғымдар, қасиеттер, ережелер, алгоритмдерді және т.б., алынған нәтижелер мен қолданбалы

сипаттағы есептер мен аралас пәндер есептерін шығаруда математикалық әдістерді қажет жағдайда

анықтамалықтар, калькулятор мен компьютерді қолдану біліктігін қалыптастыру.

      6. Жаратылыстану-математикалық бағыттағы 10-11-сыныптарға арналған оқу бағдарламасының

құрылымдық компоненттері түсінік хат, оқу пәнінің базалық мазмұны, оқушылардың деңгейіне

қойылатын талаптардан тұрады.

      7. Жаратылыстану-математикалық бағыттағы 10-сыныптың алгебра және анализ бастамалары

пәнінің базалық мазмұны «Функция, оның қасиеттері және графигі», «Тригонометриялық функциялар»,

«Тригонометриялық теңдеулер мен теңсіздіктер», «Туынды», «Туындыны қолдану», «Комбинаторика және

Ньютон биномы» тараулары бойынша теориялық материалдардан тұрады. Сонымен қатар базалық мазмұнға

оқу жылының басында 7-9-сыныптардағы алгебра курсын және соңында 10-сыныптағы алгебра және

анализ бастамалары курсын қайталау кіреді.

      8. 10-сыныпта оқытудың міндеттері:

      1) тригонометриялық өрнектерді түрлендіру біліктігін пысықтау;

      2) функция графиктерін салу, графигі бойынша функцияның қасиеттерін анықтау, функция

графиктерін түрлендіру біліктігін жетілдіру;

      3) сызықтық және сызықтық емес теңдеулер мен теңсіздіктерді шығару біліктігін пысықтау;

      4) күрделі функция, тригонометриялық функциялар, тригонометриялық теңдеулер мен

теңсіздіктер, туынды, нүктедегі функцияның шегі, нүктедегі функцияның үзіліссіздігі,

дифференциал, кризистік нүкте ұғымдарын қалыптастыру;

      5) тригонометриялық функциялармен, кері тригонометриялық функциялар және олардың

қасиеттері және графиктерімен таныстыру;

      6) тригонометриялық функциялардың қасиеттерін, тригонометриялық теңдеулер мен

теңсіздіктерді шығару тәсілдерін, туындыны игеру;

      7) тригонометриялық теңдеулер мен теңсіздіктерді және олардың жүйелерін шығару; элементар

функциялардың, күрделі функцияның және тригонометриялық функциялардың туындысын табу біліктігін

қалыптастыру;

      8) практикалық есептерді шығару барысында туындыны қолдану; теңдеулер, теңсіздіктер және

олардың жүйелерін шығаруда тригонометриялық функциялардың графиктерін қолдану біліктігін

қалыптастыру;

      9) комбинаторика злементтерімен таныстыру.

      9. Жаратылыстану-математикалық бағыттағы 11-сыныптың алгебра және анализ бастамалары

пәнінің базалық мазмұны «Алғашқы функция және интеграл», «Дәреже және түбір. Дәрежелік функция»,

«Көрсеткіштік және логарифмдік функциялар», «Көрсеткіштік және логарифмдік теңдеулер мен

теңсіздіктер», «Теңдеулер мен теңсіздіктер, теңдеулер мен теңсіздіктердің жүйелері»,

«Ықтималдық» тараулары бойынша теориялық материалдардан тұрады. Сонымен қатар базалық мазмұнға

оқу жылының басында 10-сыныптағы алгебра және анализ бастамалары курсын және соңында

10-11-сыныптардағы алгебра және анализ бастамалары курсын қайталау кіреді.

      10. 11-сыныпта оқытудың міндеттері:

      1) тригонометриялық теңдеулер мен теңсіздіктерді шығару, туындыны табу, практикалық

есептерде туындыны қолдану біліктігін пысықтау;

      2) функциялар графиктерін салу, график бойынша функцияның қасиеттерін анықтау, функция

графигін түрлендіру біліктігін жетілдіру;

      3) алғашқы функция, интеграл, n-ші дәрежелі түбір, рационал және иррационал көрсеткішті

дәреже, логарифм ұғымдарын қалыптастыру;

      4) геометриялық және физикалық есептерді шығаруда анықталған интегралды қолдану біліктігін

қалыптастыру;

      5) құрамында п-ші дәрежелі түбір, рационал және иррационал көрсеткішті дәреже, логарифмы

бар өрнектерді тепе-тең түрлендіруді орындау біліктігін қалыптастыру;

      6) иррационал теңдеулер мен теңсіздіктерді және олардың жүйелерін, көрсеткіштік теңдеулер

мен теңсіздіктерді және олардың жүйелерін, логарифмдік теңдеулер мен теңсіздіктерді және олардың

жүйелерін шығару біліктігін қалыптастыру;

      7) теңдеулер мен теңсіздіктерді, оның ішінде айнымалысы модуль таңбасының ішінде берілген

теңдеулер мен теңсіздіктерді шығару біліктігін тиянақтау;

      8) параметрі бар теңдеулерді шығару біліктігін қалыптастыру;

      9) теңдеулер, теңсіздіктер және олардың жүйелерін шығаруда функциялардың графиктерін

қолдану, алгебра және анализ бастамалары курсының әртүрлі тарауларынан есептер шығаруда

алгебралық түрлендірулер, теңдеулер мен теңсіздіктер аппараттарын қолдану біліктігін жетілдіру;

      10) шартты ықтималдықты табу, ықтималдықтарды қосу және көбейту теоремаларын қолдану,

дискретті кездейсоқ оқиғаны және оның таралу заңдылығын, кездейсоқ оқиғаның сандық сипаттамалары

мен таңдау әдісінің элементтерін табу біліктігін қалыптастыру.

      11. Жаратылыстану-математикалық бағытағы «Алгебра және анализ бастамалары» пәні бойынша

оқу жүктемесінің көлемі:

      1) 10-сыныпта аптасына 3 сағ, барлығы 102 сағ;

      2) 11-сыныпта аптасына 3 сағ, барлығы 102 сағ.

      12. Алгебра және анализ бастамалары пәнін оқыту процесінде пәнаралық байланыс:

      1) «Қазақ тілі» пәнімен алгебралық терминологиялармен сөздік қорын байыту, теоремаларды

дәлелдеу, қорытындыларды тұжырымдау барысында сөйлеу қабілетін дамыту;

      2) «Геометрия» пәнімен функция графигін түрлендіруді игеру барысында жазықтықтың

қозғалыстары туралы білімдерін (параллель көшіруді, центрлік және осьтік симметрияларды)

қолдану, тікбұрышты үшбұрышқа арналған синус, косинус, тангенс және котангенстің анықтамаларын

қолдану, мәтінді және практикалық есептерді шығару барысында көпбұрыш, дөңгелек пен оның

бөліктерінің, көпжақ пен айналу денелері беттерінің аудандары мен көлемдерінің формулаларын

қолдану, қолданбалы есептерде геометриялық фигуралардың элементтері арасындағы функционалдық

тәуелділікті орнату барысында осы фигуралардың қасиеттері туралы білімдеріне сүйену;

      3) «Физика» пәнімен тригонометриялық функцияларды игеру кезінде электромагниттік және

механикалық тербелістер туралы білімдеріне, индукцияның электр қозғаушы күшінің қасиеттеріне

сүйену, көрсеткішті функцияны игеру барысында радийдің ыдырауы туралы біліміне сүйену, мәтінді

есептерді шығару кезінде шамалардың физикалық мағынасын негізге алу;

      4) «Химия» пәнімен мәтінді есептерді шығару барысында қоспалар, ертінділер,

концентрациялар және т.с.с. туралы білімдерін қолдану;

      5) «Информатика» пәнімен компьютермен жұмыс атқару, яғни электронды кестелердің көмегімен

«Функцияның ең үлкен және ең кіші мәндері» тақырыбына есептер шығару; электрондық кестелерді

қолданып теңдеулер шығару; формуланы теру мен ол бойынша есептеулер жүргізу; функция графиктерін

салуда графикалық нысаның параметрлерін реттеу дағдыларын қолдану арқылы жүзеге асырылады.

2. Оқу пәнінің 10-сыныптағы базалық білім мазмұны

      13. 10-сыныпқа арналған алгебра және анализ бастамалары пәнінің базалық мазмұны келесі

тараулардан тұрады:

      1) «7-9 сыныптардағы алгебра курсын қайталау (6 сағ)». Нақты сандарға амалдар қолдану.

Бүтін көрсеткішті дәреженің қасиеттері. Рационал өрнектерді тепе-тең түрлендіру. Құрамында

квадрат түбірі бар өрнектерді тепе-тең түрлендіру. Тепе-теңдіктерді дәлелдеу. Сызықтық, квадрат

және бөлшек-рационал теңдеулер. Сызықтық, квадрат және бөлшек-рационал теңсіздіктер. Интервалдар

әдісі. Бір айнымалысы бар сызықтық теңсіздіктер жүйесі. Екі айнымалысы бар сызықтық және

сызықтық емес теңдеулер және теңсіздіктер жүйелері. Айнымалысы модуль таңбасының ішінде берілген

теңдеулер мен теңсіздіктер. Мәтінді есептерді шығару. Сандар тізбегі. Тригонометриялық

өрнектерді

тепе-тең түрлендіру. y=kx+b, y=ax +bx+с (а

0), y=ax , 

(k

0), 

түріндегі функциялар,

2

3

олардың қасиеттері және графиктері;

      2) «Функция, оның қасиеттері және графигі (15 сағ)». Функция. Функцияның анықталу облысы

және мәндер жиыны. Функцияның берілу тәсілдері. Функцияның графигі. Функцияның қасиеттері: өсуі

және кемуі, шектеулілігі, жұптылығы мен тақтылығы, периодтылығы, таңбатұрақтылық аралықтары.

Нүктенің аймағы. Экстремум нүктелері және функцияның экстремумдары. Кемімейтін функция. Өспейтін

функция. Кері функция. Функцияның графигін қарапайым түрлендірулер. Функцияны зерттеу және оның

графигін салу;

      3) «Тригонометриялық функциялар» (10 сағ). Тригонометриялық функциялардың қасиеттері мен

графиктері. Арксинус, арккосинус, арктангенс, арккотангенс. Құрамында арксинусы, арккосинусы,

арктангенсы, арккотангенсы бар өрнектерді тепе-тең түрлендіру. Кері тригонометриялық функциялар;

      4) «Тригонометриялық теңдеулер мен теңсіздіктер» (15 сағ). Тригонометриялық теңдеу. sinх =

а, cosх = а, tgх = а, ctgх = а түріндегі қарапайым тригонометриялық теңдеулер және олардың

шешімдері. Тригонометриялық теңдеулерді шешу тәсілдері (Бір тригонометриялық функцияға

байланысты алгебралық теңдеуге келтірілетін тригонометриялық теңдеулер. Тригонометриялық

формулалардың көмегімен түрлендіріліп шығарылатын тригонометриялық теңдеулер. Теңдеудің

дәрежесін төмендету арқылы шығарылатын тригонометриялық теңдеулер. Біртекті тригонометриялық

теңдеулер. Қосымша аргумент енгізу арқылы шығарылатын тригонометриялық теңдеулер).

Тригонометриялық теңдеулер жүйелері және олардың шешімдері. Тригонометриялық теңсіздік.

Тригонометриялық теңсіздіктер және олардың жүйелерін шешу;

      5) «Туынды (22 сағ)». Функцияның нүктедегі шегі. Функцияның нүктедегі және жиындағы

үзіліссіздігі. Функцияның үзілісті нүктелері. Асимптота. Туынды. Функцияның дифференциалдануы.

Туындыны табу ережелері. Дифференциалдау. Дәрежелі функцияның туындысы. Туындының физикалық және

геометриялық мағыналары. Функцияның графигіне жүргізілген жанама. Функцияның графигіне

жүргізілген жанаманың теңдеуі. Күрделі функция. Күрделі функцияның туындысы. Тригонометриялық

функциялардың туындылары. Жуықтап есептеулер;

      6) «Туындыны қолдану (16 сағ)». Функцияның бірсарындылық белгілері (өсуі және кемуі).

Функцияның кризистік нүктелері. Экстремумның бар болуының жеткілікті шарттары. Функцияны

туындының көмегімен зерттеу және графигін салу. Функцияның аралықтағы ең үлкен және ең кіші

мәндері. Туынды практикалық есептерді шығаруда қолдану;

      7) «Комбинаторика және Ньютон биномы (6 сағ)». Комбинаториканың негізгі ұғымдары мен

элементтері (алмастыру, орналастыру, теру). Оқиғаның ықтималдығын есептеуде комбинаториканың

элементтерін қолдану. Ньютон биномы;

      8) «10-сыныптағы алгебра және анализ бастамалары курсын қайталау (12 сағ)». Функцияның

қасиеттері: өсуі және кемуі, экстремумдары, шектеулілігі, жұптылығы мен тақтылығы,

үзіліссіздігі, периодтылығы, таңбатұрақтылық аралықтары. Функцияның графигін қарапайым

түрлендірулер. Тригонометриялық функциялардың қасиеттері мен графиктері. Тригонометриялық

теңдеулер және олардың жүйелері. Тригонометриялық теңсіздіктер және олардың жүйелері. Туындыны

табу. Функцияның өсу және кему белгілері. Кризистік нүктелер. Функцияның графигіне жүргізілген

жанаманың теңдеуі. Функцияны туындының көмегімен зерттеу және графигін салу. Функцияның

аралықтағы ең үлкен және ең кіші мәндері. Туындыны практикалық есептерді шығаруда қолдану.

Жуықтап есептеу формулалары.

2. Оқу пәнінің 11-сыныптағы базалық білім мазмұны

      14. 11-сыныпқа арналған алгебра және анализ бастамалары пәнінің базалық мазмұны келесі

тараулардан тұрады:

      1) «10-сыныптағы алгебра және анализ бастамалары курсын қайталау» (6 сағ). Функцияның

графигін қарапайым түрлендірулер. Тригонометриялық функциялардың қасиеттері мен графиктері.

Тригонометриялық теңдеулер және олардың жүйелері. Тригонометриялық теңсіздіктер және олардың

жүйелері. Туындыны есептеу. Функцияның графигіне жүргізілген жанаманың теңдеуі. Туындының

көмегімен функцияны зерттеу және графигін салу. Функцияның аралықтағы ең үлкен және ең кіші

мәндері. Туынды практикалық есептерді шығаруда қолдану;

      2) «Алғашқы функция және интеграл (13 сағ)». Алғашқы функция. Анықталмаған интеграл.

Алғашқы функцияның негізгі қасиеті. Алғашқы функцияны табу ережелері. Қисықсызықты трапеция.

Қисықсызықты трапецияның ауданы. Анықталған интеграл. Ньютон-Лейбниц формуласы. Интегралдау.

Геометриялық және физикалық есептерді шығаруда анықталған интегралды қолдану;

      3) «Дәреже және түбір. Дәрежелік функция (23 сағ)». n-ші дәрежелі түбір және оның

қасиеттері. n-ші дәрежелі арифметикалық түбір. Рационал көрсеткішті дәреже және оның қасиеттері.

Иррационал көрсеткішті дәреже. Иррационал өрнек. Иррационал өрнектерді түрлендіру. Иррационал

теңдеу. Иррационал теңдеулер және олардың жүйелерін шығару. Иррационал теңсіздік. Иррационал

теңсіздіктер және олардың жүйелерін шығару. Дәрежелік функция, оның қасиеттері және графиктері.

Нақты көрсеткішті дәрежелік функцияны дифференциалдау және интегралдау;

      4) «Көрсеткіштік және логарифмдік функциялар (9 сағ)». Көрсеткіштік функция, оның

қасиеттері және графигі. Санның логарифмі. Негізгі логарифмдік тепе-теңдік. Логарифмнің

қасиеттері. Ондық логарифм. Натурал логарифм. Құрамында логарифмі бар өрнектерді түрлендіру.

Логарифмдік функция, оның қасиеттері және графигі. Көрсеткіштік және логарифмдік функцияны

дифференциалдау. Көрсеткіштік функцияны интегралдау;

      5) «Көрсеткіштік және логарифмдік функциялар (19 сағ)». Көрсеткіштік теңдеу. Көрсеткіштік

теңдеулер және олардың жүйелерін шешу. Логарифмдік теңдеу. Логарифмдік теңдеулер және олардың

жүйелерін шешу. Көрсеткішті-логарифмдік теңдеу. Көрсеткіштік теңсіздік. Көрсеткіштік

теңсіздіктер және олардың жүйелерін шешу. Логарифмдік теңсіздік. Логарифмдік теңсіздіктер және

олардың жүйелерін шешу;

      6) «Теңдеулер мен теңсіздіктер, теңдеулер мен теңсіздіктердің жүйелері (14 сағ)».

Теңдеулер және олардың жүйелерін шешудің негізгі әдістері. Теңдеу-салдар. Теңсіздіктер және

олардың жүйелерін шешудің негізгі әдістері. Мәндес теңсіздіктер жүйесі. Айнымалысы модуль

таңбасының ішінде берілген теңдеулер мен теңсіздіктер. Параметрі бар теңдеу. Параметрі бар

теңсіздік;

      7) «Ықтималдық» (6 сағ). Тәуелсіз оқиға. Тәуелді оқиға. Ықтималдықтарды қосу және көбейту

теоремалары. Шартты ықтималдық. Кездейсоқ шама. Дискретті кездейсоқ шама. Үзіліссіз кездейсоқ

шама. Кездейсоқ шаманың таралу заңдылығы. Кездейсоқ шаманың сандық сипаттамалары (математикалық

күтім, дисперсия, орташа квадраттық ауытқу). Таңдау әдісінің элементтері (жиілік, салыстырмалы

жиілік, полигон);

      8) «10-11 сыныптардағы алгебра және анализ бастамалары курсын қайталау (12 сағ)».

Құрамында n-ші дәрежелі түбір, рационал және иррационал көрсеткішті дәреже, логарифмі бар

өрнектерді тепе-тең түрлендіру. Функцияның графигін қарапайым түрлендірулер. Дәрежелік,

тригонометриялық, көрсеткіштік және логарифмдік функциялардың қасиеттері мен графиктері.

Тригонометриялық, көрсеткіштік, логарифмдік және иррационал теңдеулер және олардың жүйелері.

Тригонометриялық, көрсеткіштік, логарифмдік және иррационал теңсіздіктер және олардың жүйелері.

Айнымалысы модуль таңбасының ішінде берілген теңдеулер мен теңсіздіктер. Параметрі бар теңдеулер

мен теңсіздіктер. Туындыны есептеу. Функцияның графигіне жүргізілген жанаманың теңдеуі.

Туындының көмегімен функцияны зерттеу және графигін салу. Функцияның аралықтағы ең үлкен және ең

кіші мәндері. Туынды мен анықталған интегралды практикалық есептерді шығаруда қолдану.

4. 10-сынып оқушысының дайындық деңгейіне қойылатын талаптар

      15. 10-сынып оқушыларында:

      1) функцияның нүктедегі шегі;

      2) функцияның нүктедегі және жиындағы үзіліссіздігі;

      3) комбинаториялық есептер туралы түсінігі болуы тиіс.

      16. 10-сынып оқушылары:

      1) туындының геометриялық мағынасын;

      2) туындының физикалық мағынасын түсінуі тиіс.

      17. 10-сынып оқушылары:

      1) абсолюттік шаманың анықтамасын;

      2) функцияның анықтамасын;

      3) өспелі функцияның анықтамасын;

      4) кемімелі функцияның анықтамасын;

      5) жұп функцияның анықтамасын;

      6) тақ функцияның анықтамасын;

      7) шектелген функцияның анықтамасын;

      8) периодты функцияның анықтамасын;

      9) тригонометриялық функцияның периодын табу формуласын;

      10) функцияның таңбатұрақтылық аралықтарының анықтамасын;

      11) кері функцияның анықтамасын;

      12) функцияның минимумы нүктесінің анықтамасын;

      13) функцияның максимум нүктесінің анықтамасын;

      14) функцияның экстремум нүктесінің анықтамасын;

      15) функция максимумының анықтамасын;

      16) функция минимумының анықтамасын;

      17) функция экстремумының анықтамасын;

      18) тригонометриялық функциялардың анықтамаларын;

      19) арксинус, арккосинус, арктангенс, арккотангенстің анықтамасын;

      20) тригонометриялық теңдеудің анықтамасын;

      21) sinх = а, cosх = а, tgх = а, ctgх = а теңдеулері түбірлерінің формулаларының жалпы

және дербес түрлерін;

      22) тригонометриялық теңдеулерді шығару тәсілдерін;

      23) тригонометриялық теңсіздіктің анықтамасын;

      24) қарапайым тригонометриялық теңсіздікті шығару алгоритмін;

      25) нүктедегі функцияның шегін;

      26) нүктедегі функцияның шегі туралы теоремаларды;

      27) нүктедегі үзіліссіз функцияның анықтамасын;

      28) жиындағы үзіліссіз функцияның анықтамасын;

      29) функцияның үзілісті нүктесінің анықтамасын;

      30) кесіндідегі функцияның үзіліссіздігінің қасиеттерін;

      31) туындының анықтамасын;

      32) туындыны табу ережелерін;

      33) функция дифференциалының анықтамасын;

      34) туындының геометриялық мағынасын;

      35) туындының физикалық мағынасын;

      36) функция графигіне жүргізілген жанама теңдеуінің формуласын;

      37) дәрежелік функцияның туындысын табу формуласын;

      38) күрделі функцияның анықтамасын;

      39) күрделі функцияның туындысын табу формуласын;

      40) тригонометриялық функциялардың туындыларын табу формулаларын;

      41) функцияның жуық мәнін табу формулаларын;

      42) кризистік нүктенің анықтамасын;

      43) функцияның өсу және кему белгілерін;

      44) функцияның өсу және кему аралықтарын табу алгоритмін;

      45) функцияның максимум және минимум нүктелерін табу алгоритмін;

      46) туындының көмегімен функцияны зерттеу алгоритмін;

      47) функцияның ең үлкен және ең кіші мәндерін табу алгоритмін;

      48) алмастыру, орналастыру және терудің формулаларын;

      49) Ньютон биномының фомуласын білуі қажет.

      18. 10-сынып оқушыларында:

      1) функциялар графиктерін түрлендіру;

      2) функцияның қасиеттерін (жұптығы, тақтығы, өсуі, кемуі, экстремумы, шектеулігі,

үзіліссіздігі, периодтылығы, таңбатұрақтылық аралықтары) анықтау;

      3) тригонометриялық функциялардың графиктерін салу және түрлендіру;

      4) тригонометриялық функциялардың периодтарын табу;

      5) функция графигі бойынша функцияның экстремум нүктелері мен экстремумдарын табу;

      6) құрамында арксинус, арккосинус, арктангенс, арккотангенсы бар өрнектерді тепе-тең

түрлендіруді орындау;

      7) тригонометриялық теңдеулер және олардың жүйелерін шығару;

      8) тригонометриялық теңсіздіктер және олардың жүйелерін шығару;

      9) туындыны табу ережелерін қолдану;

      10) функцияның туындыларын табу;

      11) дифференциалдың көмегімен функцияның жуық мәнін табу;

      12) функцияның графигіне жүргізілген жанаманың теңдеуін құрастыру;

      13) функцияның өсу және кему аралықтарын табу;

      14) экстремум нүктелерін және кризистік нүктелерді табу;

      15) туындының көмегімен функцияны зерттеу және оның графигін салу;

      16) функцияның ең үлкен және ең кіші мәндерін табу;

      17) алмастыру, орналастыру және терудің санын есептеу;

      18) оқиғаның ықтималдығын табуда комбинаторика формулаларын қолдану;

      19) Ньютон биномның формуласын қолдану біліктілігі болуы тиіс.

      19. 10-сынып оқушылары:

      1) анықтамалықтарды қолдану; оқу, әдістемелік және анықтамалық әдебиеттерден

анықтамаларды, формулалар және басқа да тұжырымдарды іздеу;

      2) санды өрнектердің мәндерін есептеуде калькуляторды қолдану;

      3) функциялардың графиктерін салу кезінде компьютерлік бағдарламалармен жұмыс атқару;

      4) тригонометриялық функциялардың мәндерін табуда В.Брадис кестесін қолдану;

      5) тригонометриялық функцияның мәні бойынша санның (бұрыштың) мәндерін табуда В.Брадис

кестесін қолдану дағдыларын жетілдіруі тиіс.

жүктеу/скачать 3,08 Mb.

Достарыңызбен бөлісу: