| Дене жұмысы күшейген сайын қан айналым жүйесіндегі өзгерістер арта
түседі. Ауыр жұмыс кезінде тамыр соғу 3 есе, жүректің систолалық көлемі
3,5–4 есе, минуттық көлемі–10 есе, систолалық қысым–1,6-2 есе артып,
диастолалық қысым с.б. 20-30 мм-ге төмендейді. Жұмыстың басында қан
айналым
жүйесіндегі
өзгерістер
проприорецепторлардан
(ет
пен
буындардағы сезімтал жүйке ұштарынан) келетін импульстердің əсерінен
туындайды. Рефлекс түрінде қан қоймалары мен ас қорыту органдарының
тамырлары жиырылып, айналымдағы қан мөлшері көбейеді де, бұлшық ет
тамырлары кеңейеді. Одан əрі жұмыс үстіндегі етті қанмен қамтамасыз етуде
органдарда түзілетін өнімдер – гистамин, ацетилхолин, сүт қышқылы,
аденозинүшфосфор қышқылы өнімдері, көмір қышқылы, рөлі арта бастайды.
Ас қорыту кезінде ас қорыту органдарының тамырлары кеңейіп, ішкі
ағзаларға келетін қан мөлшері 30-50 пайызға артады. Бұл кезде тері мен
бұлшық ет тамырлары тарылады.
Достарыңызбен бөлісу: | 
