171
Олар жүйке ұштарының құрамына кіреді, жүйке жасушаларының
ӛсінділерін изоляциялап, қозу импульсінің шашырауына кедергі болады,
импульсті ӛткізуде елеулі рӛл атқарады. Сонымен қатар, олигодендроциттер
нейрондарды қоректендіруге және мидағы судың алмасу процесіне
қатысады.
Глиялық жасушалар қан капиллярымен байланысып, олардан алынған
заттарды ӛңдеп, жүйке жасушаларын дайын жоғары молекулалы заттармен
қамтамасыз етеді деген мәліметтер бар. Жүйке жүйесінде трофикалық
қызмет атқарады және зат алмасу процесіне қатысады.
Микроглия – жасушалары микроглиоциттер, жүйке жүйесінің
макрофагтары, пішіні сопақша, әрбір ұшынан жуан ӛсінді тарайды.
Сүйектің қызыл кемігіндегі моноциттерден дамиды. Микроглиоциттер
қозғалмалы, лизосомалары мен Гольджи аппараты жақсы жетілген.
Атқаратын қызметтері инфекциядан, зақымдардан қорғау және ыдырау
ӛнімдерінен тазарту. Тітіркену процесі кезінде олардың пішіні ӛзгереді, сол
кезде оларды дән тәрізді шарлар деп те атайды. Яғни, микроглия қорғаныс
қызметін атқарады.
Достарыңызбен бөлісу: 
