Жұмысты ресімдеу 1.Титул парағы
1) жоғарғы сол жақ бұрышына мектептің мөртабаны қойылады (мектеп атауы, мекенжайы мөртабанда жазылған. Сонымен бірге мөртабанға емтихан өткізілетін күн жазылады (мөртабандағы рет бойынша 28 мамыр 2022 ж. немесе 2022 ж. 28 мамыр). 2) 10-жолдан бастап жол ортасынан, азат жолдан бастап жазылады (қағаздан сызғыш арқылы анықтап алу керек).
9-сынып оқушысы Т.А. (ілік септігі) қазақ тілінен (қазақ әдебиетінен) негізгі мектеп курсы үшін жазған емтихан жұмысы
3) Келесі беттен бастап жазба жұмысын (эссе) орындайды
1) жазба жұмысының (эссе) тақырыбы бірінші жолдың ортасынан бастап жазылады.
2) жазба жұмысының (эссе) тақырыбы мен жұмыс мәтіні арасында жол қалдырылмайды.
3) білім алушы жұмысты аяқтағаннан кейін жұмыстың соңына қарындашпен сөз санын цифрмен жазып қояды.
4) жазба жұмысы (эссе) тексерілгеннен кейін жұмыс үшін жалпы балл қойылады.
3.Бағалау Бағалау міндеттері бойынша балдардың бөлінуі
Бағалау міндеттері
Балы
1-БМ Коммуникативтік құзырлық
10
2-БМ Тілдік құзырлық
10
Барлығы
20
Бағалау міндеттері
1-БМ
Коммуникативтік құзырлық Білім алушы:
• әртүрлі типтегі, жанрлар мен стильдердегі мәтіндерден негізгі және егжей-тегжейлі ақпаратты (мәтіндік, сандық, графикалық) түсініп, интепретациялауы;
• әртүрлі дереккөздерден қажетті ақпараттарды алып, оларды талдауы және жинақтауы;
• білім алушы естіген және оқыған ақпараттарын жинақтай отырып, әртүрлі типтегі, жанрдағы және стильдегі мәтіндерді жазуы;
• ұсынылған ақпаратты талдау және бағалау қабілетін көрсете отырып, өзінің проблемалық сипаттағы мәтінін (мақала, эссе, хат және т.б.) жазуы тиіс.
