Ж.Ә. Әбелдаев
Материалдар мен зерттеу әдістері
жүктеу/скачать 365,13 Kb. Pdf көрінісі
|
| Материалдар мен зерттеу әдістері
Мақала жазу барысында қажетті деректерді дайындау үшін тақырыптың көлеміне, өзектілігіне және мәліметтердің әралуандылығына баса на - зар аударылды. Тақырыптың методологиялық негізін түрік тіліндегі әдебиеттер құрап отыр. Қарастырылатын негізгі тақырыптар – түрік әдебиетінде тарихи романның негізін салушы түрікші-тұраншы қаламгер Хүсейін Нихаль Атсыздың «Көкбөрілер» дилогиясының алғашқы кітабы «Көкбөрілердің өлімі» романындағы түркілік бірегейлік мәселесі. Х.Н. Атсыз – өз заманының қайсар жазушысы, сол кездегі саяси- идеологиялық ұстанымдарға ашық қарсы болып, Түркияның ұлттық жолда дамуын қалады. Алай - да оның ұстанған жолы ХХ ғасырдың басындағы әлемдік саяси ахуалға сай келмейтін еді. Тақырыпқа қатысты әдебиеттерді саралауда түрік ғалымдарының іргелі зерттеулері негізге алынды. Оларды мақала жазу барысында ғылыми талдаудан өткізу – зерттеудің басты міндеттерінің бірі болды. Түрік тіліндегі еңбектердің ара - сында айрықша түрік зерттеушілері Ахмет Кабаклының 5 томдық «Түрік әдебиеті» (1994), Инжи Енгинүннің «Жумхуриет кезеңіндегі түрік әдебиеті» (2010) және Әлемдар Ялчынның «Саяси-әлеуметтік өзгерістер тұрғысынан Жум - хуриет кезеңі. Қазіргі түрік романы. 1946-2000» (2005) атты шығармаларына иек арттық. Тақырыпқа негіз болған шығарма – түріктің белгілі қаламгері Х.Н. Атсыздың «Көкбөрілер» тарихи дилогиясының (Bozkurtlar, 2018) бірінші кітабы болып табылатын «Көкбөрілердің өлімі» романы талдау нысанына өзек болды. Сондай- ақ, Х.Н. Атсыздың саяси-идеологиялық һәм мәдени-әдеби көзқарасын айқындауға өзінің төл шығармалары – «Түрік әдебиеті тарихы» (2015), «Түрік тарихындағы мәселелер» (2016) және поэтикалық шығармасы – «Жолдардың соңы» (2016) мақала жазуға өз септігін тигізді. Сонымен қатар зерттеу мақаланы жазу - да түрік және отандық ғалымдардың іргелі теориялық пікірлері мен тұжырымдары қолданыс тапты. Ғылыми мақалада тарихи-салыстыр - малы, сипаттау, баяндау, саралау, тұжырымдау және жүйелеу әдістері қолданылды. Сонымен бірге интернет материалдары да мақаланың жа - зылуына өз септігін тигізді. Зерттеу жұмысын ұйымдастыруда тақырыптың өзекті мәселелерін объективті түрде шешуге талпыныс жасалды. жүктеу/скачать 365,13 Kb. Достарыңызбен бөлісу:
|