"Кенесары - қазақ тәуелсіздігінің ұраны!" Кенесары ханға 220 жыл

Қоғамдық-гуманитарлық пәндер әдістемелік бірлестіктің жоспарына сәйкес биылғы оқу жылында, 31-ші қаңтар мен 11-ші ақпан аралығында «Жаңа бағдарлама-сапалы білім берудің негізі» тақырыбында онкүндік жоспарланып өткізілді.Онкүндікті жоспарлау барысында алдымен бірлестік мүшерлері ақылдаса отырып өздерінің тақырыптарын берді, кейін сол тақырыптарды ескере отырып төмендегідей жоспар құрылды.

Онкүндіктің алғашқы күнін жоспарымен оқушыларды таныстырудан және қабырға үнқағаздарының тақырыптарын таңдатудан бастадық.

• 
  5 «А»сынып: Қазақтың аса көрнекті ағартушы-педагогі, жазушы, этнограф, фольклоршы, қоғам қайраткері Ы.Алтынсариннің туғанына – 180 жыл;
  
• 
  6 «Б» сынып: Қазақ халық поэзиясының әйгілі тұлғасы, өлең сөздің дүлдүлі, жырау, жыршы Жамбыл Жабаевтың туғанына – 175 жыл;
  
• 
  5 «Б»сынып: Қазақтың әйгілі күйші композиторы, Қазақстанның халық әртісі Дина Нұрпейісованың туғанына – 160 жыл;
  
• 
  7 «А» сынып: Көрнекті қоғам және мемлекет қайраткері, ұлт-азаттық және Алаш жетекшісі, публицист, ғалым, аудармашы Әлихан Бөкейханның туғанына – 155 жыл;
  
• 
  9 «А» сынып: Қазақ ақыны, әдебиеттанушы ғалым, түркітанушы, публицист, педагог, аудармашы, қоғам қайраткері Ахмет Байтұрсынұлының туғанына – 150 жыл;
  
• 
  8 «А» сынып: Қазақтың лирик ақыны Мұқағали Мақатаевтың туғанына – 90 жыл;
  
• 
  10 «А», «Ә» сынып: Көрнекті этнограф, жазушы, әдебиеттанушығалым, қоғам қайраткері Ақселеу Сейдімбектің туғанына – 80 жыл.
  

Сонымен қатар онкүндігіміз ашық сабақтар мен сайыс сабақтармен ғана шектеліп қоймай «Гуманитарлық пәндер бойынша оқушылардың функционалдық сауаттылығын дамыту» тақырыбында оқыту семинарын ағылшын тілі пәнінің мұғалімі Мухасанова Д.М. бірлестік мүшелерімен өткізді.

Келесі сайыс сабақ «Білгірлер бәйгесі» тақырыбында 5 «А» сыныппен қазақ тілі мен әдебиеті пәндерінің мұғалімі Еделбаева А.Т. өткізді. Сайыс сабақ өте қызықты болды және мұғалімнің таңдап алған тапсырмалары оқушылардың көңілдерінен шықты және де оқушылардың білімдерін шыңдай түсті деуге болады. Себебі үш топтың оқушылары да әр кезең бойынша тапсырмаларды қызығушылықпен жарыса орындап отырды.

Онкүндіктің соңғы күні мектеп кітапханашысы Диханбаева М.А. «Күй анасы - Дина» кітап көрмесін ұйымдастырып мектебіміздің 8 «а» сынып оқушыларын шақырды. Оқушыларға Дина Нұрпейісованың өміржолы мен тастап кеткен мұраларымен таныстырды.