Ұйым ресурстарының құрылымына мыналар жатады
жүктеу/скачать 353,5 Kb.
|
|
КІРІСПЕ Кез-келген ұйымның немесе кәсіпкердің шаруашылық қызметін іске асырудағы басты мақсаты – пайда табу. Ұйымның немесе кәсіпкердің осы мақсатын іске асырудағы бірінші мәселе – ол капиталдың жеткіліктілігі. Менің курстық жұмысым осы капитал және ұйымның меншікті капиталы жөнінде болмақ. Қазақстан Республикасының заңына сәйкес кәсіпорындар өзінің құрылуы барысында, яғни шаруашылық қызметпен айналысу үшін белгілі бір мөлшерде мүліктерге ие болуы тиіс. Осы жоғарыда аталған мүліктердің ақшалай өлшемге айналдырылғандағы жиынтығы ұйымның меншікті капиталы болып саналады. Кәсіпорын алғашқы құрылған кезде оның капиталы Қазақстан Республикасы заңында қаралған мөлшерден кем болмауы тиіс және де ол сол ұйымның құрылтайшыларының, акционерлерінің ақшалай, заттай және басқадай түрде қоғамға қосқан үлестерінен құралады. Бұл сома яғни кәсіпорынның капиталы осы ұйымның қызметі барысында тапқан таза табысы және басқа да көздерден, тегін түскен мүліктер мен ақшалай қаржылар есебінен өсіп отырады. Жалпы кәсіпорынның есебін жүргізу барысында жұмыс істеп тұрған, қызмет атқарушы яғни қолданыстағы капиталы және оның құрамы мен құрылымы бухгалтерлік баланстың активінде көрсетілсе, ол капиталдың қаржыландыру көздері баланстың пассивінде көрсетіледі. Ұйым ресурстарының құрылымына мыналар жатады: Ұйымның меншікті капиталы; Ұйымның тартылған және заемдік қаражаттары. Ұйым русурстарының құрамындағы меншікті капитал үлесі тартылған қаражаттарға қарағанда өте төмен болғандықтан барлық қаражаттарға деген қажеттілігінің 10% жуық бөлігі өтелсе, ал қалған бөлігі тартылған қаражаттардың үлесіне тиеді. Коммерциялық ұйымдардың меншікті капиталының рөлі мен шамасы, басқа қызметпен айналысатын кәсіпорындар және ұйымдарға қарағанда өзіндік ерекшеліктерге ие. Ұйымның меншікті капиталы ұйымның тұрақтылығын қамтамасыз етуде маңызды. Ұйымның бастапқы құрылуы барысында меншікті капитал көмегімен ұйым қызметіне байланысты алғашқы шығындар: жер, ғимарат, құрал-жабдық, жалақыға жұмсалатын және тағы басқа шығындар жабылады. Себебі, меншікті капиталсыз ұйымның қызметін бастау мүмкін емес. Осы меншікті капиталдың есебінен ұйымғы қажетті резервтер құрылады. Сонымен қатар, ұйымның меншікті капиталы ұзақ мерзімді активтерге жұмсалымдардың басты көзі. Ұйымның меншікті капиталы – ұйымның қаржылық тұрақтылығын, коммерциялық және шаруашылық қызметін қамтамасыз ету үшін құрылған ұйымның әр түрлі қорлары мен сол сияқты ағымдағы қызметінің нәтижесіне байланысты және өткен жылдардағы бөлінбеген пайдасы. Ұйымның меншікті капиталының құрылымы бірдей емес, себебі, оларға әсер ететін әр түрлі факторларға, атап айтсақ активтер сапасына, меншікті пайданың пайдалануына, капиталдың бағасын нығайту мақсатында және ұйым саясатына байланысты жыл бойына өзгеріп отырады. жүктеу/скачать 353,5 Kb. Достарыңызбен бөлісу:
|