Өндірістік тәжірибенің бақылау формалары: Тәжірибе жетекшісінің ағымдық бақылауы:
студенттердің тәжірибеге қатысуын және жұмыс орындарындағы практикалық жұмыстарын бақылау;
студенттердің тәжірибелік дағдыларын бақылау бағалау критерияялары бойынша (8.1. кесте) «Фармацевтикалық тәжірибе нәтижелері» 8.3. кестесіне тіркеу арқылы жүргізіледі;
студенттердің тәжірибе күнделіктерін тексеру.
Өндірістік тәжірибенің қорытынды бақылауына жіберілуі үшін студенттер кафедраға келесі құжаттарды тапсырулары қажет:
Тәжірибе жетекшілері тексеріп қолдарын қойған, базалық дәріханалық ұйымның мөрімен куәләндырылған өндірістік тәжірибенің күнделігі.
Базалық дәріханалық ұйым басшысының немесе басқа жауапты тұлғаның қолы қойылып, ұйымның мөрі басылған мінездеме.
Өндірістік тәжірибенің қорытынды бағасы студенттің практика барысында біліп үйренген және меңгерген дағдыларын балл саны бойынша есептеу негізінде «Өндірістік тәжірибе нәтижелері» кестесіне (қосымшаға) сәйкес баллдық-әріптік бағалау жүйесіне негізделеді.
Өндірістік тәжірибенің нәтижесінде студенттердің біліп меңгерген дағдыларын бағалау критериялары Өндірістік тәжірибені өту кезінде студенттің үйренгенін және дағдыларын бағалау әріптік-баллдық жүйе бойынша жүргізіледі: оң бағалар төмендеуіне қарай А-дан С әрпіне дейін белгіленеді, олар төрт баллдық баға жүйесінің сандық мәндеріне сәйкес келеді. Әр дағдының орындалуы бірте-бірте өсіп, не төмендеп қадамдап бағаланады, қорытындысы 4 балл болуы шарт немесе әр дағдыны қадамдап игеру барысында студент ең көп дегенеде 4 балл ала алады. Дағдының толық түрде дұрыс орындалуы 4,0 балл, оның әріптік-баллдық жүйеде белгіленген эквиваленті А әрпіне сәйкес.
