Жұмыстың ғылыми жаңалығы. Зерттеу тақырыбымыз бен осы тақырыппен жүмыс істеу барысында кеңінен қолданған методологиялық негіздер мен тәсілдер және мәдени процестер дамуындағы хронологиялық мерзім, сараптама-талдаулар, жаңа көзқарастар мен объективтік негіздер-жұмысымыздың ғылыми жаңалығына қызмет етеді.
Жұмысымызда алғаш рет XX ғасырдың 80—90-шы жылдарындағы Қазақстандағы мәдени процестерге қатысты проблемалар зерттелініп, бір жүйеге келтіріледі; мәдени процестер дамуының тарихи мәні бар Кеңес өкіметі тұсындағы даму үрдістері мен бүгінгі проблемаларына байланысты ғылыми-объективтік пікірлер айтылады; қазақ зиялы қауымының мәдени-шығармашылық мұраларының ақталуына орай, бүгінгі қоғамдағы ой-пікірлерге талдау беріледі; мәдени процестерге елеулі ықпалын тигізген волюнтаристік мазмұндағы түрлі партиялық нұсқаулар мен мәдсни-ағарту ошақтарының дамуына қатысты Қазақстандық ерекшеліктер ашып көрсетіледі; бірінші рет мәдени-ағарту ошақтарының кітапхана мен клуб сияқты салалары мен олардың проблемалары жекеленіп, қарастырылады.
