Тақырыптың хронологиялық ауқымы. Зерттеу жүмысы 1980 жылдан 2000 жылға дейінгі аралықты қамтиды. Бұл кезеңде Қазақстандағы мәдени процестер күрделі ахуалдарды басынан өткерді және біркелкі болмады. Осы мерзімде Кеңес қоғамы радикалды өзгерістерге ұшырап, плюрализм мен жалпыадамзаттық қазыналылыққа сүйенген демократиялық үрдістер басталды. Тоталитарлық жүйе күйреп, еліміз тәуелсіздік алды. Осыған орай, жаңа либералдық көзқарастар тұрғысынан еліміздегі мәдени процестерге шын мәнінде обьективтік баға беру мүмкіншілігі пайда болды. Кеңестік жүйе үстемдік еткен 80-ші жылдардың аяғына дейінгі алғашқы онжылдықтағы республикадағы мәдени процестерді — егемендік дәуірдегі келесі онжылдық - 90-шы жылдардағы мәдени процестердің даму үрдістерімен салыстырып, талдайтындай келелі мүмкіншіліктер ашылды.
