Байланысты: akhanov k grammatika teoriiasynyn negizderi
§ 40. Күрделі сөздерді жэне олардың түрлерін айқындау
мақсат етілгенде, олар, эдетте, сөз тіркестерімен салыстыра
қарастырылады. Бұлай етуде мынандай себеп бар: күрделі сөз
шығу тегі, жасалу жолы жағынан сөз тіркесіне барып тіреледі.
Тарихи тұрғыдан күрделі сөз кемінде екі сөздің тіркесуі арқылы
жасалады. Ондай тіркестің тілдің даму барысында біртұтас сөзге
(күрделі сөзге) айналуы мүмкін. Сөздердің тіркесінің біртұтас
сөзге айналу процесі бірден бола салмайды жэне бүл процестің
аяқталуын айқындау да әрқашан оңай бола бермейді. Күрделі сөз
бен сөз тіркесінің жігін ажыратып, шегін айқындаудың киындыгы
да осында.
Қиындықтан шығудың жолын сөзге, соның ішінде сөздің бір
түрі - күрделі сөзге тэн белгілерді айқындаудан іздеу керек.
Тіл білімінде лексика-грамматикалық бірлік ретінде қарала-
тын сөзге (соның ішінде күрделі сөзге де) тэн жэне оны (сөзді)
сөз тіркесінен ажырататын жалпылама белгілер делініп семанти-
калық тұтастық (семантическая цельность), морфологиялық
тұтастық (морфологическая цельность), синтаксистік тұтастық
(синтаксическая цельность) белгілері аталып жүр.
