Статья 26. Уәкілеттi мемлекеттік органдардың, Қазақстан Республикасы Ұлттық Банкінің, қаржы нарығы мен қаржы ұйымдарын реттеу, бақылау және қадағалау жөніндегі уәкілетті органның, жергілікті атқарушы органдардың, ұйымдар мен уәкілетті тұлғалардың салық органдарымен өзара іс-қимылы кезіндегі мiндеттерi …
25. Бағалау қызметі саласындағы уәкілетті орган салық органдарына бағалаушылар палатасынан алынған ақпаратты уәкілетті орган белгілеген тәртіппен, мерзімдерде және нысан бойынша табыс етуге міндетті . 26. Ақпараттық қауіпсіздікті қамтамасыз ету саласындағы уәкілетті орган цифрлық майнингті жүзеге асыратын тұлғалардан цифрлық активтердің айналымы бойынша алынған ақпаратты уәкілетті орган белгілеген тәртіппен, мерзімдерде және нысан бойынша салық органдарына табыс етуге міндетті. 27. Цифрлық активтер саласындағы уәкілетті орган алынған ақпаратты салық органдарына табыс етуге міндетті: 1) цифрлық майнинг тұтынатын энергия көлемі бойынша. 2) цифрлық майнинг үшін пайдаланылатын жабдықтардың саны мен атауы туралы.
Салықтық әкімшілендіруді жүзеге асыру (салық салу объектісін айқындау)мақсатында ақпарат алу (атап айтқанда, жылжымалы және жылжымайтын мүліктің нарықтық құны туралы) қажет
«Ақпараттандыру туралы» Қазақстан Республикасының 2015 жылғы 24 қарашадағы №418-V Заңының 7-1-бабының 20-2) тармақшасына сәйкес, ақпараттық қауіпсіздікті қамтамасыз ету саласындағы уәкілетті орган цифрлық майнингті жүзеге асыру жөніндегі қызмет туралы хабардар ету тәртібін айқындайды.
Бұл түзетулер салықтық бақылау мақсатында қажет. Цифрлық майнинг үшін төлемдер ақпараттандыру саласындағы уәкілетті органның цифрлық майнинг саласындағы қызметті жүзеге асыратын тұлғалар, мамандандырылған дата-орталықтар, сондай-ақ цифрлық майнинг үшін инфрақұрылым қызметін көрсететін тұлғалар тұтынған электр энергиясының көлемі бойынша берген мәліметтері бойынша есептеледі.
Бұдан басқа, «цифрлық майнингке салық» тұжырымдамасы ақпараттандыру саласындағы уәкілетті органның деректері бойынша іске асырылатын болады, ол өз кезегінде келісілген мерзімдер шеңберінде мемлекеттік кірістер комитетіне цифрлық майнинг үшін пайдаланылатын жабдықтың, мамандандырылған дата-орталықтардың жабдығының, сондай-ақ өз аумағында жабдықты орналастыратын тұлғалардың саны, атауы (бар болса, сериялық нөмірін көрсете отырып) бойынша ақпарат беруге тиіс болады.
